حالىقتىڭ مۇددەسى ءۇشىن بارلىق قاجەتتى وزگەرىستەردى جۇزەگە اسىرۋ كەرەك.
قازاقستان پرەزيدەنتى قاسىم-جومارت توقايەۆ الەۋمەتتىك جەلىلەر ارقىلى مەملەكەت ازاماتتارىن بەلسەندى داۋىس بەرۋگە شاقىردى، دەپ حابارلايدى Almaty-akshamy.kz.
«25 شىلدە كۇنى قازاقستاندا العاش رەت اۋىل اكىمدەرىنىڭ تىكەلەي سايلاۋى وتەدى. بۇل وقيعا ساياسي جاڭعىرۋدىڭ جاڭا كەزەڭىن بىلدىرەدى. سايلاۋشىلاردى بەلسەندى داۋىس بەرۋگە شاقىرامىن. حالىقتىڭ مۇددەسى ءۇشىن بارلىق قاجەتتى وزگەرىستەردى جۇزەگە اسىرۋ كەرەك»، - دەپ جازدى قاسىم-جومارت توقايەۆ تۆيتتەردەگى پاراقشاسىندا.
ەكى كۇننەن كەيىن قازاقستان بويىنشا 730 ەلدى مەكەننىڭ اكىمى تىكەلەي سايلاۋ ارقىلى انىقتالادى. ەل تاريحىندا اكىمدەر سايلاۋى العاش رەت 14 وڭىردە بىردەي وتكەلى تۇر.
2021 جىلدان باستاپ اۋىل اكىمدەرىنىڭ تىكەلەي سايلاۋىن وتكىزۋ تۋرالى پرەزيدەنت قاسىم-جومارت توقايەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىندا تاپسىرما بەرىلگەن بولاتىن.
«قاسىم-جومارت توقايەۆ اۋىلدار مەن اۋداندىق ماڭىزى بار قالالاردىڭ تۇرعىندارىن داۋىس بەرۋگە بەلسەندى قاتىسۋعا شاقىرادى. مەملەكەت باسشىسى سايلانعان كانديداتتاردىڭ ءبارى ءوزى ءىسىنىڭ مامانى بولاتىنىنا جانە حالىقتىڭ ءۇمىتىن اقتاي الاتىنىنا سەنىم بىلدىرەدى»، دەپ جازدى پرەزيدەنتتىڭ باسپا ءسوز حاتشىسى بەرىك ءۋالي Facebook پاراقشاسىندا.