رەسەيگە جول اشاتىن قوسىمشانىڭ اتى «پۋتەشەستۆۋيۋ بەز COVID-19».
شىلدەنىڭ 25-نەن باستاپ رەسەيگە بارعىسى كەلەتىن قازاقستان، ارمەنيا، بەلارۋس جانە قىرعىزستان ازاماتتارى كورشى ەلگە كەلگەن كەزدە «پۋتەشەستۆۋيۋ بەز COVID-19» قوسىمشاسىن پايدالانۋى ءتيىس، دەپ حابارلايدى Almaty-akshamy.kz.
«وسى پلاتفورمانىڭ كومەگىمەن كوروناۆيرۋسقا تالداۋ جاساۋ ءۇشىن ەڭ جاقىن زەرتحانالاردى تابۋعا بولادى. تەست ەلگە كىرگەنگە دەيىن كەمىندە 72 ساعات بۇرىن تاپسىرىلۋى ءتيىس. ناتيجەسى QR كود تۇرىندە جىبەرىلىپ، ونى شەكارادا كورسەتۋ كەرەك»، – دەلىنگەن قازاقستاننىڭ رەسەيدەگى ەلشىلىك باسپا ءسوز قىزمەتىنىڭ حابارلاماسىندا.
سونداي-اق، ناتيجەلەر ءوزارا ىقپالداستىرىلعان اقپاراتتىق جۇيەگە ەنگىزىلەدى. بۇل قازاقستان ازاماتتارىنا رەسەي اۋماعىنا ارمەنيا، بەلارۋس جانە قىرعىزستاننىڭ اۋە وتكىزۋ تىرەكتەرى ارقىلى (ترانزيتپەن) كىرۋگە مۇمكىندىك بەرەدى.