قاسىم-جومارت توقايەۆ وبلىس اكىمىنە وڭىردەگى تۇراقتى الەۋمەتتىك-ەكونوميكالىق دامۋدى قامتاماسىز ەتۋدى تاپسىردى.
پرەزيدەنتكە وبلىس اكىمى ايماقتىڭ الەۋمەتتىك-ەكونوميكالىق جاعدايى مەن دامۋ پەرسپەكتيۆالارى، ينۆەستيسيا تارتۋ، مۇناي قورىنىڭ سارقىلۋىنا بايلانىستى گاز ءوندىرۋ، جاڭا گەولوگيالىق زەرتتەۋ جۇمىستارى تۋرالى باياندادى، دەپ حابارلايدى Almaty-akshamy.kz اقورداعا سىلتەمە جاساپ.
ايماقتىڭ نەگىزگى ماكروەكونوميكالىق كورسەتكىشتەرىندە 7 ايدىڭ قورىتىندىسى بويىنشا وڭ ديناميكا بار. اتاپ ايتقاندا، بىلتىرمەن سالىستىرعاندا تارتىلعان ينۆەستيسيالار كولەمى 111،5 پايىز، وندەۋ ونەركاسىبىنىڭ كولەمى 105،5 پايىز وسكەن.
نۇرلىبەك نالىبايەۆ مۇناي قورىنىڭ سارقىلۋى سالدارىنان مۇناي ءوندىرۋ كولەمىنىڭ كەمۋىنىڭ ورنىن تولتىرۋ ءۇشىن سەيسميكالىق بارلاۋ، گاز قورلارىن يگەرۋ جۇمىستارى قولعا الىنعانىن جەتكىزدى.
ينۆەستورلارمەن جۇمىس قارقىن الىپ كەلەدى. پرەزيدەنتتىڭ تاپسىرماسىنا سايكەس، قۇنى 215 ميلليارد تەڭگەنى قۇرايتىن، قۋاتى 240 مەگاۆاتت جاڭا جىلۋ ەلەكتر ورتالىعى سالىنىپ، 2025 جىلى تاپسىرىلادى. سونىمەن قاتار جەكە ينۆەستور ەسەبىنەن 11،8 ميلليارد تەڭگەگە قىزىلوردا قالاسى اۋەجايىنىڭ جاڭا تەرمينالى 2024 جىلى حالىق يگىلىگىنە بەرىلمەك.
وبلىس اكىمى سىرداريا وزەنىنىڭ جوعارعى اعىسىندا ورنالاسقان مەملەكەتتەر اراسىنداعى كەلىسسوزدەر ناتيجەسىندە سۋ كولەمى بىلتىرعى دەڭگەيدەن ارتقانىن جەتكىزدى. ايماقتا سۋدى از قاجەت ەتەتىن مايلى جانە جەمدىك داقىلدار القاپتارىن ۇلعايتۋعا باسىمدىق بەرىلىپ، باقشا جانە كوكونىس القاپتارىنىڭ كولەمى كوبەيگەن. سونداي-اق كۇرىش سالاسىن دامىتۋدىڭ جاڭا باعدارلاماسى ازىرلەنبەك.
مەملەكەت باسشىسىنا باياندالعان تاعى ءبىر ماسەلە – ەڭبەك داۋلارىن شەشۋ. ايماقتاعى ءىرى 49 كاسىپورىنمەن مەموراندۋمعا قول قويىلدى. الداعى ۋاقىتتا قىزمەتكەرلەردىڭ ەڭبەكاقىسىن كەزەڭ-كەزەڭىمەن ارتتىرۋ كوزدەلگەن.
بيىل وبلىستا 9 مەكتەپ، 1 وقۋشىلار ءۇيى، 2 بالاباقشا پايدالانۋعا بەرىلىپ، 11 دەنە شىنىقتىرۋ كەشەنى، 6 مادەني نىساننىڭ قۇرىلىسى ءجۇرىپ جاتىر.
قاسىم-جومارت توقايەۆ وبلىس اكىمىنە وڭىردەگى تۇراقتى الەۋمەتتىك-ەكونوميكالىق دامۋدى قامتاماسىز ەتۋدى تاپسىردى.