ايىپپ ۇلى بار كولىك “قورعاۋ – ءقاۋىپتى جۇرگىزۋشى” اۆتوماتتاندىرىلعان جۇيەسىنىڭ كومەگىمەن انىقتالدى.
1،8 ملن تەڭگەگە جۋىق ايىپپ ۇلى بار Toyota Ipsum كولىگىن شاھاردىڭ اۋەزوۆ اۋدانىنىڭ پوليسەيلەرى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
"بۇعان دەيىن حابارلانعانداي، جول قوزعالىسىن رەتتەۋدىڭ تيىمدىلىگىن ارتتىرۋ ماقساتىندا “قورعاۋ – ءقاۋىپتى جۇرگىزۋشى” اۆتوماتتاندىرىلعان جۇيەسى جۇمىس ىستەيدى، ول جالعان مەملەكەتتىك نومىرلەرى بار اۆتوكولىكتەردى جانە ساقتاندىرۋ ءپوليسىنسىز جۇرگەن شەتەلدىك متنب بار اۆتوكولىكتەردى، سونداي-اق جالپى اعىننان كولىك جۇرگىزۋ قۇقىعىنان ايىرىلعان جۇرگىزۋشىلەردى انىقتاۋعا مۇمكىندىك بەرەدى. ماسەلەن، ءبىر كۇن بۇرىن قىرعىزستاندا تىركەلگەن، جالپى سوماسى 1 782 090 تەڭگەنى قۇرايتىن ايىپپۇلدارى بار Toyota Ipsum كولىگى ۇستالدى. مينيۆەندى 55 جاستاعى جەرگىلىكتى تۇرعىن باسقارعان. بۇل كولىك مامانداندىرىلعان ايىپپۇل تۇراعىنا قويىلدى"، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
سپيكەردىڭ ايتۋىنشا، قالادا جالعان مەملەكەتتىك نومىرلەردى پايدالاناتىن، كولىكتەرگە ارنايى دابىل بەرۋ قۇرىلعىلارىن ورناتقان كولىك جۇرگىزۋشىلەرىن، سونداي-اق كولىك قۇرالدارىن ماس كۇيىندە باسقارعان ادامداردى جاۋاپكەرشىلىككە تارتۋ بويىنشا ماقساتتى جۇمىستار جالعاسۋدا.