پرەزيدەنتتىڭ ءمينيستردىڭ جۇمىسىنا كوڭىلى تولماعان.
ەل پرەزيدەنتى قاسىم-جومارت كەمەل ۇلى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات ءمۋسيننىڭ ۇلتتىق دەرەكتەر بانكىن قۇرۋ جونىندەگى جۇمىسىنا قاناعاتتانبايتىنىن ايتتى، دەپ حابارلايدى Almaty-akshamy.kz.
«ۇكىمەت ۇلتتىق دەرەكتەر بانكىن قۇرۋ جۇمىسىن سوزبالاڭعا سالۋ سەبەبىن بايانداۋعا ءتيىس. سيفرلاندىرۋ ءىسى باياۋ جۇرگىزىلۋدە. مەنىڭ ويىمشا، ناشار. ەسەپ كوميتەتىنىڭ سىنىنا ۇشىراعان «زەردە» ۇلتتىق حولدينگىنىڭ جۇمىسىن جاقسارتۋدى تاپسىرعان ەدىم. سيفرلاندىرۋ جۇمىسىنىڭ كۋراتورى رەتىندە پرەمەر-مينيستر وسى ماسەلەگە باسا ءمان بەرگەنى ءجون. مينيسترگە ەسكەرتۋ جاسايمىن. ءسىزدىڭ جۇمىسىڭىزعا كوڭىلىم تولمايدى. پرەمەر-مينيستردى ۇياتقا قالدىرىپ وتىرسىز»، - دەدى مەملەكەت باسشىسى.