ۇكىمەتتىڭ باستى مىندەتىنىڭ ءبىرى – انا مەن بالانىڭ دەنساۋلىعىن ساقتاۋ.
بۇل تۋرالى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا ايتتى، دەپ حابارلايدى Almaty-akshamy.kz.
«وكىنىشكە قاراي، سابيلەردىڭ ءولىمى كوبەيدى. انا ءولىمى دە وسۋدە. مەن پەريناتالدىق قىزمەتتىڭ جاي-كۇيىن تەكسەرۋگە تاپسىرما بەردىم. ونىڭ قورىتىندىسى بويىنشا ءتيىستى شارالار قابىلدانۋى كەرەك ەدى. ءبىراق، بارلىق جۇمىس اۋديت دەڭگەيىندە توقتاپ قالدى. قازىرگى پەرزەنتحانالاردىڭ كوبى حالىقارالىق ستاندارتتارعا ساي ەمەس. سوندىقتان شۇعىل شارالار قابىلداپ، وسى ماسەلەنى شەشۋ قاجەت. جالپى، دەنساۋلىق ساقتاۋ سالاسى تۋرالى ايتار بولساق، مۇندا تۇيتكىلدى ماسەلەلەر كوپ»، - دەدى قاسىم-جومارت توقايەۆ.