بۇۇ تورىندە جەلبىرەگەن تۋىمىز – ءبارىمىزدىڭ ماقتانىشىمىز.
ەلىمىزدىڭ بارشا ازاماتتارىن بىرىكتىرىپ، ورتاق ىسكە جۇمىلدىراتىن تاعى ءبىر سيمۆول – مەملەكەتتىك تۋ. بۇل تۋرالى پرەزيدەنت قاسىم-جومارت توقايەۆ رەسپۋبليكا كۇنىنە وراي مەملەكەتتىك ناگرادالار مەن سىيلىقتار تاپسىرۋعا ارنالعان سالتاناتتى راسىمدە ايتتى، دەپ حابارلايدى Almaty-alshamy.kz اقوردانىڭ باسپا ءسوز قىزمەتىنە سىلتەمە جاساپ.
«ەلىمىزدىڭ بارشا ازاماتتارىن بىرىكتىرىپ، ورتاق ىسكە جۇمىلدىراتىن تاعى ءبىر سيمۆول – مەملەكەتتىك تۋ. ەگەمەن ەلدىڭ اسپانىندا، بىرىككەن ۇلتتار ۇيىمىنىڭ تورىندە جەلبىرەگەن تۋىمىز – ءبارىمىزدىڭ ماقتانىشىمىز. قازاقستاننىڭ كوك بايراعى عارىشقا ساپار شەكتى، ەڭ بيىك شىڭداردا جەلبىرەدى. تۋىمىزعا ارنالعان كەرەمەت اندەر، ولەڭ-جىرلار بار. ءاربىر ازاماتىمىز ولاردى تىڭداعان سايىن ەرەكشە رۋحتانادى. سپورتشىلارىمىز الەمدىك جارىستاردا تۋىمىزدى كوتەرىپ، ءانۇرانىمىزدى شىرقاپ ءجۇر. ولاردىڭ كوك تۋىمىزعا دەگەن ەرەكشە قۇرمەتى بارشا الەمدى ءتانتى ەتۋدە. بۇل – ناعىز وتانشىلدىقتىڭ بەلگىسى. شىنايى وتانسۇيگىشتىك ءاربىر ازاماتىمىزدىڭ بويىندا بار»، - دەدى مەملەكەت باسشىسى.