جەرگىلىكتى ۋاقىت بويىنشا ساعات 07:00-دەن 20:00-گە داۋىس يۋەرۋگە بولادى.
قازاقستان ازاماتتارى ق ر پرەزيدەنتىنىڭ كەزەكتەن تىس سايلاۋىنا شەتەلدە قاتىسا الادى، دەپ حابارلايدى Almaty-akshamy.kz قازاقپارتقا سىلتەمە جاساپ.
2022 جىلعى 20 قاراشادا قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى وتەدى. قازاقستاننىڭ شەتەلدەگى مەكەمەلەرىنىڭ جانىنان 53 شەت مەملەكەتتە 68 سايلاۋ ۋچاسكەسى قۇرىلدى. داۋىس بەرۋگە قاتىسۋ ءۇشىن بەلسەندى سايلاۋ قۇقىعى بار، ءتيىستى شەت مەملەكەتتە تۇراتىن نەمەسە جەكە، قىزمەتتىك، وقۋ، ىسكەرلىك پەن تۋريستىك ماقساتپەن جۇرگەن جانە ق ر ازاماتىنىڭ جارامدى پاسپورتى بار قازاقستان رەسپۋبليكاسىنىڭ ازاماتتارى سايلاۋ ۋچاسكەسى قۇرىلعان قازاقستاننىڭ ديپلوماتيالىق نەمەسە كونسۋلدىق وكىلدىگىنە جۇگىنە الادى. ق ر شەتەلدەگى مەكەمەلەرىندە داۋىس بەرۋ «قازاقستان رەسپۋبليكاسىنداعى سايلاۋ تۋرالى» ق ر كونستيتۋسيالىق زاڭىنىڭ 38ء-شى بابىنىڭ 1ء-شى تارماعىنا سايكەس سايلاۋ وتكىزىلەتىن كۇنى (2022 جىلعى 20 قاراشا، جەكسەنبى) جەرگىلىكتى ۋاقىت بويىنشا ساعات 07:00-دەن 20:00-گە دەيىن وتكىزىلەتىن بولادى.
سونىمەن بىرگە شەتەلدەگى سايلاۋ پروسەسىن ۋاقىتىلى جانە تولىقتاي دايىنداۋ ماقساتىندا قازاقستان رەسپۋبليكاسىنىڭ ازاماتتارىن جاقىن ماڭداعى سايلاۋ ۋچاسكەسىنە الدىن-الا حابارلاسىپ، سايلاۋشىلار تىزىمىنە ەنگىزۋ ءۇشىن مالىمەت بەرۋلەرىن سۇرايمىز.