قازاقستانداعى جەتى قانت زاۋىتىنىڭ تورتەۋى عانا جۇمىس ىستەپ تۇر.
ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ساۋدا جانە ينتەگراسيا ءمينيسترى باقىت سۇلتانوۆ پەن اۋىل شارۋاشىلىعى ءمينيسترى ەربول قاراشوكەيەۆكە سوگىس جاريالادى، دەپ حابارلايدى Almaty-akshamy.kz Baq.kz.
پرەزيدەنتتىڭ ايتۋىنشا، بۇرىن ىسكە قوسىلعان جەتى قانت زاۋىتىنىڭ قازىرگى ۋاقىتتا تورتەۋى عانا جۇمىس ىستەپ تۇر.
«اۋىل شارۋاشىلىعى مينيسترلىگى قىزىلشا قانتىنىڭ ۇلەسىن 6 ەسەەگە، 2026 جىلعا قاراي 7-دەن 43%-عا ۇلعايتۋدى جوسپارلاپ وتىر. الايدا سوڭعى 4 جىلدا قىزىلشا قانتىنىڭ اۋماعى ءۇش ەسەگە قىسقارعان. ءبىز 90% يمپورتتىق قانتقا تاۋەلدىمىز. بۇل جەردە ەاەو اياسىندا شەشىمگە جۇگىنۋگە بولادى. ءبىراق قالاي بولعان كۇننىڭ وزىندە بۇل ۇكىمەتتىڭ ەسەپتەن كۇردەلى جاڭىلىسى»، - دەپ اتاپ ءوتتى مەملەكەت باسشىسى.
سونىمەن قاتار ول ۇكىمەت مەملەكەتتىڭ پوزيسياسىن قورعاماعاندىعىن ايتتى.
«دەمەك، مەملەكەتتىڭ پوزيسياسى قورعالماعان. سوندىقتان مەن مينيستر باقىت سۇلتانوۆ پەن ەربول قاراشوكەيەۆكە سوگىس جاريالايمىن»، - دەدى قاسىم-جومارت توقايەۆ.