بيىل مەملەكەت باسشىسىنىڭ سىرتقى جانە ىشكى ساياسات باعىتىنداعى قىزمەتى وتە قاۋىرت ءارى جەمىستى ءوتتى. بۇل تۋرالى قازاقستان رەسپۋبليكاسى پرەزيدەنتىنىڭ كەڭەسشىسى – باسپا ءسوز حاتشىسى رۋسلان جەلدىباي مالىمدەدى.
2025 جىل ەلەۋلى ساياسي جانە الەۋمەتتىك-ەكونوميكالىق جاڭعىرۋلارعا تولى بولدى. ەڭ باستىسى، حالىقتىڭ تۇرمىس-تىرشىلىگىندە وڭ وزگەرىستەر ورىن الدى. جاڭا ءوندىرىس ورىندارى اشىلىپ، قامبا استىققا تولدى. تۇرعىن ۇيلەر، مەكتەپتەر مەن اۋرۋحانالار سالىنىپ، كولىك جولدارى جاڭارتىلدى، - دەيدى رۋسلان جەلدىباي.
ونىڭ ايتۋىنشا، بيىل قاسىم-جومارت توقايەۆ ەلىمىزدىڭ 9 وڭىرىنە جۇمىس ساپارىمەن بارىپ، 50-دەن استام وندىرىستىك، عىلىمي، الەۋمەتتىك-مادەني نىساندى ارالاپ كوردى.
سونداي-اق پرەزيدەنت 16 وبلىس جانە رەسپۋبليكالىق ماڭىزى بار قالا اكىمدەرىنىڭ ەسەبىن تىڭدادى.