بۇل شارا جاڭا تارتىپپەن ءوتىپ جاتىر.
ق ر قورعانىس مينيسترلىگىنىڭ باسپا ءسوز قىزمەتىنىڭ مالىمەتىنشە، قازاقستان قارۋلى كۇشتەرىندە تەكسەرۋ باستالدى، دەپ حابارلايدى Almaty-akshamy.kz
اسكەرلەردى تەكسەرۋ قىسقى وقۋ كەزەڭى اياقتالعانشا جۇرگىزىلەدى. بيىل مەملەكەت باسشىسى قاسىم-جومارت توقايەۆتىڭ اسكەردىڭ جاۋىنگەرلىك دايىندىعىن تۇبەگەيلى ارتتىرۋ جونىندەگى مىندەتتەرىن ىسكە اسىرۋ شەڭبەرىندە بۇل شارا جاڭا تارتىپپەن ءوتىپ جاتىر.
باس شتابتىڭ جوسپارىنا سايكەس، قۇرامالار مەن اسكەري بولىمدەر دابىل بويىنشا كوتەرىلدى. بولىمشەلەر پراكتيكالىق وقۋ-جاۋىنگەرلىك مىندەتتەردى ورىندايتىن پوليگوندارعا تەمىر جول كولىگىمەن، جاۋىنگەرلىك تەحنيكامەن جەتۋدى جۇزەگە اسىرادى. پوليگونداردا تاكتيكالىق، ونىڭ ىشىندە تۇنگى جاعدايدا دا وقۋ-جاتتىعۋلار مەن اتىستار وتەتىن بولادى.
بۇدان وزگە، بولىمدەردىڭ بەلگىلەنگەن مەرزىمدە جۇكتەلگەن تاپسىرمالاردى ورىنداۋ ۇيلەسىمدىلىگى مەن قابىلەتى، اسكەري قىزمەتشىلەردىڭ وقىتىلۋى، سونداي-اق كومانديرلەردىڭ باعىنىستى جانە سەنىپ تاپسىرىلعان بولىمشەلەردى باسقارا ءبىلۋى باعالاناتىن بولادى.
«قارۋلى كۇشتەردىڭ بارلىق قۇرامالارى مەن بولىمدەرى، سونداي-اق اسكەري باسقارۋ ورگاندارى تەكسەرىلەدى»، - دەلىنگەن مينيسترلىك تاراتقان حابارلامادا.
