55 فەرما قىزمەتىن وزدىگىنەن توقتاتتى.
ق ر پرەزيدەنتى قاسىم-جومارت توقايەۆتىڭ ماينينگ فەرمالارى بويىنشا بەرگەن تاپسىرماسى ورىندالدى، دەپ حابارلايدى Almaty-akshamy.kz پرەزيدەنتتىڭ باسپا ءسوز قىزمەتىنە سىلتەمە جاساپ.
قاسىم-جومارت توقايەۆ: «بارلىق ماينينگ فەرمالارىن انىقتاپ، سالىق جانە كەدەن ماسەلەلەرىن تەكسەرۋ، سونىمەن قاتار شارتتاردىڭ بەرىلۋىنە نەگىز بولعان تەحنيكالىق تالاپتار مەن قىزمەتتىڭ باسقا دا اسپەكتىلەرىن زەرتتەۋ قاجەت»، - دەگەن بولاتىن.
مەملەكەت باسشىسىنىڭ تاپسىرماسى بويىنشا 51 ماينينگ فەرمانىڭ زاڭسىز قىزمەتىنە توسقاۋىل قويىلدى، 55 فەرما قىزمەتىن وزدىگىنەن توقتاتتى؛
- تەحنيكالىق تالاپتارسىز ولاردىڭ ەنەرگيا قۋاتى كوزدەرىنە زاڭسىز قوسىلۋ، ارناۋلى ەكونوميكالىق ايماقتاردىڭ اۋماعىندا رۇقساتسىز ورناتىلۋ، سونداي-اق سالىق جانە كەدەن تولەمدەرىنەن جالتارۋ دەرەكتەرى انىقتالدى؛
- 25 قىلمىستىق ءىس قوزعالىپ، قۇنى 100 ميلليارد تەڭگە بولاتىن 67 مىڭنان استام قۇرال-جابدىق تاركىلەندى؛
-قابىلدانعان شارالار ەلىمىزدەگى ەلەكتر قۋاتىن تۇتىنۋدى 600 مەگاۆاتقا دەيىن تومەندەتۋگە مۇمكىندىك بەردى؛
- ماينينگ پەن سيفرلىق اكتيۆتەردى نورماتيۆتىك رەتتەۋ ءىسى قاتاڭداتىلدى.