ماقسات بۇل ماسەلەنىڭ الدىن الۋ.
2022 جىلعى 25 ناۋرىز كۇنى ساعات 15.00-دە الماتى قالاسى قازاقستان رەسپۋبليكاسى ۇلتتىق كىتاپحاناسى عيماراتىندا الماتى قالاسى اكىمدىگى مەن «سەنىمەن بولاشاق» رەسپۋبليكالىق اتا-انالار قوعامدىق بىرلەستىگىنىڭ ۇيىمداستىرۋىمەن «بالا تاربيەسى – بۋللينگ جانە وتباسىنداعى زورلىق-زومبىلىق» تاقىرىبىنداعى دوڭگەلەك ۇستەلى ءوتتى، دەپ حابارلايدى Almaty-akshamy.kz.
شاراعا قازاقستان رەسپۋبليكاسى پارلامەنت سەناتىنىڭ دەپۋتاتتارى دينار نوكەتايەۆا، دانا نۇرجىگىت، قازاقستان رەسپۋبليكاسى پارلامەنتى ءماجىلىس دەپۋتاتى يرينا سميرنوۆا، «سەنىمەن بولاشاق» رەسپۋبليكالىق اتا-انالار قوعامدىق بىرلەستىگىنىڭ قۇرىلتايشىسى، مەسەنات، قوعام قايراتكەرى نۇركەن اسانوۆ، ۇيىم ءتوراعاسى راحىمبەك جولايەۆ جانە بالا قۇقىعىن قورعاۋ جونىندەگى زاڭگەر، پەداگوگ، پسيحولوگ، الماتى قالاسىنداعى ءبىلىم بەرۋ ۇيىمدارىنىڭ اتا-انالار كوميتەتى مەن قامقورشىلىق كەڭەس مۇشەلەرى جانە كاسىبي ماماندار قاتىستى.
دوڭگەلەك ۇستەل ماقساتى وتباسىنداعى بۋللينگ جانە زورلىق-زومبىلىق تاقىرىبىنداعى ماسەلەلەردى تالقىلاۋ، الدىن الۋ بويىنشا بىرلەسىپ جۇمىس جۇرگىزۋ.
سونىمەن قاتار، جينالعان قاۋىم «سەنىمەن بولاشاق» رەسپۋبليكالىق اتا-انالار قوعامدىق بىرلەستىگى الماتى قالاسى بويىنشا فيليالىنىڭ اشۋلىنا قاتىسىپ، وزدەرىنىڭ ۇسىنىس-پىكىرلەرىن ورتاعا سالدى.
ايتا كەتەيىك، قازىرگى تاڭدا رەسپۋبليكالىق اتا-انالار ۇيىمى ەلىمىزدىڭ شىعىس قازاقستان، پاۆلودار، تۇركىستان، قىزىلوردا، ماڭعىستاۋ، اتىراۋ، جامبىل وبلىستارى مەن نۇر-سۇلتان، الماتى، شىمكەنت قالالارىندا 10 فيليالىن اشىلىپ، 15 مىڭنان استام مۇشەسى، اۋدان، قالالاردا وكىلدىكتەرى جۇمىس اتقارۋدا.
