پرەزيدەنت ستيپەندياسىنىڭ كولەمى قانشا؟

بيىل پرەزيدەنت ستيپەندياسى 1080 باكالاۆر ستۋدەنتى مەن 8 ماگيسترانتقا تاعايىندالادى.

اشىق نقا پورتالىندا ق ر عىلىم جانە جوعارى ءبىلىم ءمينيسترىنىڭ 2023 جىلعا ارنالعان پرەزيدەنت ستيپەندياسىن بەرۋ جونىندە ەكى بۇيرىعىنىڭ جوباسى تالقىعا سالىندى، دەپ حابارلايدى اlmaty-akshamy.kz 

ونداعى مالىمەتكە سايكەس، بيىل پرەزيدەنت ستيپەندياسى 1080 باكالاۆر ستۋدەنتى مەن 8 ماگيسترانتقا تاعايىندالادى.

سونداي-اق پرەزيدەنت ستيپەندياسى ءتورت مينيسترلىك اراسىندا بولىنەدى.

عىلىم جانە جوعارى ءبىلىم مينيسترلىگى - 1005 باكالاۆر ستۋدەنتىنە جانە 7 ماگيسترانتقا؛

مادەنيەت جانە سپورت مينيسترلىگى - 24 باكالاۆر جانە 1 ماگيستراتۋرا ستۋدەنتىنە؛

دەنساۋلىق ساقتاۋ مينيسترلىگى - 6 ستۋدەنتكە؛

اۋىل شارۋاشىلىعى مينيسترلىگى - 45 ستۋدەنتكە تاعايىندايدى.

پرەزيدەنتتىك ستيپەنديا العان ستۋدەنتتەرى بار جوعارى وقۋ ورىندارى اراسىندا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى(102)، ءال-فارابي اتىنداعى قازاق ۇلتتىق ۋنيۆەرسيتەتى (96)، اباي اتىنداعى قازاق ۇلتتىق پەداگوگيكالىق ۋنيۆەرسيتەتى (94)، م. اۋەزوۆ اتىنداعى وڭتۇستىك قازاقستان ۋنيۆەرسيتەتى(60)، ا. بايتۇرسىنوۆ اتىنداعى قوستاناي وڭىرلىك ۋنيۆەرسيتەتى (55)، ە. ا. بوكەتوۆ اتىنداعى قاراعاندى ۋنيۆەرسيتەتى (47) كوش باسىندا تۇر.

ەسكە سالا كەتسەك، ستيپەنديا جوو رەكتورىنىڭ بۇيرىعىمەن تاعايىندالادى جانە ءبىر وقۋ جىلىنىڭ ءبىر سەمەسترى بويى تولەنەدى. ستيپەندياعا يە بولۋ ءۇشىن گرانتپەن وقۋ مىندەتتى ەمەس، ونى اقىلى ءبولىم ستۋدەنتتەرى مەن ماگيسترانتتارى دا يەلەنە الادى.

2023 جىلى باكالاۆر ستۋدەنتىنە تاعايىندالعان پرەزيدەنت ستيپەنديا مولشەرى – 73 320 تەڭگە، ماگيسترانتتارعا – 173 974 تەڭگە.