ەكىنشى دۇنيەجۇزىلىك سوعىستا حابارسىز كەتكەندەردى ىزدەۋ جۇمىستارىن «Atamnyn Amanaty» قوعام بىرلەستىگى جۇرگىزەدى.
ەلوردالىق «اتامنىڭ اماناتى» قوعامدىق بىرلەستىگى ەكىنشى دۇنيەجۇزىلىك سوعىستا مايداندا قازا تاپقان 200-دەن استام ساربازدىڭ تۋىستارىن ىزدەۋدە، دەپ حابارلايدى اlmaty-akshamy.kz «Atamnyn Amanaty» قوعام بىرلەستىگىنىڭ ينستاگرام پاراقشاسىنا سىلتەمە جاساپ.
«ءبىز جاۋىنگەرلەردىڭ ۇرپاقتارىن ىزدەيمىز! تاراتۋلارىڭىزدى سۇرايمىز! ولاردىڭ جەرلەنگەن ورىندارى بەلگىلى. ىزدەۋ جۇمىستارىن «Atamnyn Amanaty» قوعام بىرلەستىگى جۇرگىزەدى. اتى-جوندەرى، اۋىل-ايماقتاردىڭ اتتارى بۇرمالانىپ جازىلۋى دا مۇمكىن. اتاڭىزدىڭ ءاتى-جونى تىزىمدە بولسا، بىزگە مىندەتتى تۇردە حابارلاسىڭىز»، - دەپ جازدى ۇيىم Instagram جەلىسىندەگى رەسمي پاراقشاسىندا.
ۇيىم جاريالاعان تىزىمدە 218 ەسىم بار.
اتاپ وتىلگەندەي، فاميليالاردا، اتاۋلاردا، جەر اتاۋلارىندا بۇرمالانۋلار بولۋى مۇمكىن.