پرەزيدەنت ستيپەندياسىن تاعايىنداۋ ەرەجەسى وزگەردى

بۇيرىق  9 ناۋرىزدان باستاپ كۇشىنە ەنەدى.

عىلىم جانە جوعارى ءبىلىم ءمينيسترى 2024 جىلعى 20 اقپانداعى بۇيرىعىمەن قازاقستان رەسپۋبليكاسىنىڭ پرەزيدەنتى بەلگىلەگەن ستيپەنديالاردى تاعايىنداۋ ەرەجەسىنە وزگەرىستەر ەنگىزدى.

ستيپەنديا ستۋدەنتتەر مەن ماگيسترانتتاردىڭ مىناداي ساناتتارىنا تاعايىندالادى:

رەسپۋبليكالىق جانە حالىقارالىق وليمپيادالاردىڭ، شىعارماشىلىق كونكۋرستاردىڭ، سپورتتىق جارىستاردىڭ، فەستيۆالداردىڭ جەڭىمپازدارى نەمەسە جاڭالىقتار، ونەرتابىستار اۆتورلارى؛

عىلىمي ەڭبەك جيناقتارىندا، رەسپۋبليكالىق جانە حالىقارالىق عىلىمي جۋرنالداردا جاريالانىمدارى بار؛

تابىستارى ديپلومدارمەن، گراموتالارمەن، سەرتيفيكاتتارمەن، كۋالىكتەرمەن راستالعان عىلىمي-زەرتتەۋ جۇمىستارىمەن بەلسەندى اينالىساتىندار؛

جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قوعامدىق، مادەني جانە سپورتتىق ومىرىنە بەلسەنە ارالاساتىندار.

ستيپەنديا تاعايىنداۋ كەزىندە جەتىم جانە اتا-اناسىنىڭ قامقورلىعىنسىز قالعان بالالارعا، بالا كەزىنەن مۇگەدەكتىگى بار ادامدارعا، مۇگەدەكتىگى بار بالالارعا باسىمدىق بەرىلەدى.

ستيپەنديا عىلىمي كەڭەستىڭ شەشىمى نەگىزىندە جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ رەكتورىنىڭ بۇيرىعىمەن ىسكە اسىرىلادى.