2024 جىلدىڭ باسىنان بەرى 17 مىڭ ازامات، ونىڭ ىشىندە 10،9 مىڭعا جۋىق جۇمىسسىز Skills Enbek كاسىپتىك وقىتۋ پلاتفورماسىندا ونلاين-كۋرستاردان وتكەنى تۋرالى سەرتيفيكات الدى.
پلاتفورمادا بارلىعى 380 مىڭ قازاقستاندىق تىركەلسە، ونىڭ 25،5 مىڭى – 2024 جىلى تىركەلدى، دەپ حابارلايدى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
وقۋدان وتكەن 10،9 مىڭ جۇمىسسىز ازاماتتىڭ 3،1 مىڭعا جۋىعى نەگىزىنەن تۇركىستان، جامبىل، اقتوبە، قىزىلوردا جانە اقمولا وبلىستارىنىڭ جاستارى.
پلاتفورما ىسكە قوسىلعالى اۆتورلار ءارتۇرلى باعىتتار بويىنشا 477 كۋرس جاريالادى، ونىڭ 243ء-ى تەگىن. سونداي-اق، ودان ءارى وقۋ ءۇشىن ءبىلىم بەرۋ الاڭدارىنا اۋىسۋ مۇمكىندىگىمەن Courstore جانە Fluent Education سەرىكتەستەرىنىڭ كۋرستارى بار.
كۋرستاردىڭ ۇزاقتىعى 1-دەن 72 ساعاتقا دەيىن.
اقپان ايىنداعى ەڭ كوپ سۇرانىسقا يە كۋرستار – «پروفەسسيونالنىي كۋرس ينديۆيدۋالنوگو پوموششنيكا دليا سوپروۆوجدەنيا ليس س ترۋدنوستيامي ۆ پەرەدۆيجەنيي»، «كاسسير»، «پوستروەنيە وتدەلا پروداج ۆ وتەلە»، «يزگوتوۆلەنيە مىلا»، «پروداۆەس».
پلاتفورمادا تۇرۋ جانە تاماقتانۋ، قۇرىلىس جانە تكش، الەۋمەتتىك قىزمەت كورسەتۋ، قارجى جانە بۋحگالتەرلىك ەسەپ، اقپاراتتىق تەحنولوگيالار جانە ت.ب. سالالارداعى ءتۇرلى ماماندىقتار بويىنشا تەگىن كۋرستار سانى ۇنەمى ارتىپ كەلەدى.
بۇدان بۇرىن حابارلاعانداي، پلاتفورما حالىقتىڭ ءبىلىم دەڭگەيى مەن كاسىبيلىگىن ارتتىرۋعا، مانساپتىق دامۋدى ىنتالاندىرۋعا جانە «ءومىر بويى وقىتۋ» تۇجىرىمداماسىن ىلگەرىلەتۋگە باعىتتالعان. ول ماركەتپلەيس – قىزمەتتەر نارىعى قاعيداتى بويىنشا ونلاين كۋرستارعا قول جەتكىزۋدى ۇسىناتىن حالىقارالىق وقىتۋ الاڭدارىنا ۇقساس قۇرىلعان.
وقۋعا https://skills.enbek.kz/ سىلتەمەسى ارقىلى نەمەسە enbek.kz سايتىنداعى «ونلاين وقىتۋ» ءبولىمىن تاڭداۋ ارقىلى تىكەلەي قول جەتكىزۋگە بولادى.
پلاتفورمادا ءبىلىم الۋشى وقىتۋدىڭ قولايلى قارقىنى مەن ءتىلىن، ماتەريالدى بەرۋدىڭ ىڭعايلى ءپرينسيپىن دەربەس تاڭدايدى، ءبىلىم بەرۋ ۇدەرىسىندەگى ءوزىنىڭ ىلگەرىلەۋىن باقىلاي الادى.
ءبىلىم الۋشى ءۇشىن ارتىقشىلىقتار: كەڭەيتىلگەن كۋرستاردى ىزدەۋ، ساباقتىڭ تۇسىنىكتى قۇرىلىمى، وقۋ پروسەسىن باقىلاۋ جانە كۋرس اۆتورلارىمەن جىلدام ءوزارا ارەكەتتەسۋ.
وقۋ اياقتالعاننان كەيىن ءبىلىم الۋشى 70% شەكتى دەڭگەيمەن تەستىلەۋ تاپسىرۋعا ءتيىس. ونلاين كۋرستى ءساتتى اياقتاعان جاعدايدا داعدىلاردى يگەرۋ تۋرالى سەرتيفيكات بەرىلەدى. كۋرستى اياقتاۋدىڭ مىندەتتى شارتى – ستۋدەنت تاراپىنان كۋرستى باعالاۋ.
الىنعان سەرتيفيكات ەلەكتروندىق ەڭبەك بيرجاسىندا (enbek.kz) تىركەلگەن كەزدە ءبىلىم الۋشى جاساعان تۇيىندەمەدە اۆتوماتتى تۇردە كورسەتىلەدى. قىزمەتكەرلەردى ىزدەۋ كەزىندە الەۋەتتى جۇمىس بەرۋشى پلاتفورمادا ءساتتى وقۋدان كەيىن الىنعان سەرتيفيكاتتاردى كورە الادى.
اۆتورلار مەن ازىرلەۋشىلەرگە ارنالعان پلاتفورمادا ونلاين كۋرستاردى ورنالاستىرۋ تەگىن. كۋرستار مەملەكەتتىك جانە ورىس تىلدەرىندە ورنالاستىرىلۋى مۇمكىن، اقپارات بەرۋدىڭ ءارتۇرلى فورماتتارى: ءماتىن، پرەزەنتاسيا، بەينە جانە اۋديو ماتەريالدار، ينفوگرافيكا جانە باسقا تۇرلەرى بولۋعا ءتيىس. پلاتفورما ەرەكشە قاجەتتىلىكتەرى بار ءبىلىم الۋشىلار ءۇشىن ينتەرفەيستى بەيىمدەۋ مۇمكىندىگىن بولجايدى.
كۋرس اۆتورلارى ءۇشىن ىڭعايلى ساباق قۇراستىرۋشى، جاريالانعان كۋرستاردىڭ ستاتيستيكاسى مەن تيىمدىلىگىن قاراۋعا قولجەتىمدى، سەرتيفيكاتتاردىڭ ءارتۇرلى ديزاينى كوزدەلگەن، سونداي-اق وقۋ قۇنىن الدىن الا ەسەپتەۋگە ارنالعان ونلاين-كالكۋلياتور بار.
2023 جىلدىڭ جەلتوقسان ايىنان باستاپ كۋرستاردى Enbek ءموبيلدى قوسىمشاسى ارقىلى وقۋعا بولادى، قوسىمشانى Google Play جانە App Store-دان جۇكتەۋگە بولاتىنىن ەستەرىڭىزگە سالامىز.
پلاتفورمادا تىركەلۋ جانە جۇمىس ىستەۋگە قاتىستى بارلىق سۇراقتار بويىنشا «ەردو» اق جاۋاپتى قىزمەتكەرلەرىمەن بايلانىسۋدى سۇرايمىز: 8 (7172) 95 43 17 (ىشكى. 877، 878، 888).