پرەزيدەنت ستەپنوگورسك قالاسىنداعى مامانداندىرىلعان بالالار مەن جاسوسپىرىمدەر سپورت مەكتەبىنە باردى

پرەزيدەنت قازاقستاندىق سپورتشىلاردىڭ ونەرىن ءاردايىم تاماشالايتىنىن جانە قولدايتىنىن اتاپ ءوتتى

پرەزيدەنت اقمولا وبلىسىنا جۇمىس ساپارى اياسىندا ستەپنوگورسكىدەگى بالالار مەن جاسوسپىرىمدەر سپورت مەكتەبىن ارالاپ كوردى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.

وندا بوكس، ەركىن كۇرەس، اۋىر اتلەتيكا، دزيۋدو، كوركەم گيمناستيكا، فۋتبول، شاڭعى جارىسى جانە سامبو سەكسيالارى بويىنشا 1140 بالا سپورتپەن شۇعىلدانادى. ساباقتى 30 جاتتىقتىرۋشى-وقىتۋشى جۇرگىزەدى.

مەملەكەت باسشىسىنا بالالار مەن جاسوسپىرىمدەرگە ارنالعان سپورت مەكتەبى تاربيەلەنۋشىلەرىنىڭ وقۋ-جاتتىعۋ ساباقتارىن وتكىزەتىن اۋىر اتلەتيكا زالى مەن ۇلكەن ويىن زالى تانىستىرىلدى.

قاسىم-جومارت توقايەۆ مەكتەپتى ارالاپ كورگەننەن كەيىن ءوڭىردىڭ بەلگىلى سپورتشىلارىمەن جانە جاتتىقتىرۋشىلارىمەن كەزدەستى.

پرەزيدەنت قازاقستاندىق سپورتشىلاردىڭ ونەرىن ءاردايىم تاماشالايتىنىن جانە قولدايتىنىن اتاپ ءوتتى. سونداي-اق ءىرى جارىستارداعى جوعارى جەتىستىكتەرى ءۇشىن سپورتشىلارعا العىس ايتىپ، ەلىمىزدىڭ شەتەلدەگى ءيميدجىن ارتتىرۋعا قوسقان ولاردىڭ ۇلەسىنە توقتالدى.

شارا سوڭىندا مەملەكەت باسشىسى لەيك-پلەسيدتە (اقش) وتكەن دۇنيەجۇزىلىك قىسقى ۋنيۆەرسيادا چەمپيونى، بياتلونيست بەكەنتاي تۇرلىبەكوۆكە العىس حاتىن تابىس ەتتى.