ەاەو ەلدەرىنەن استىق پەن ءداندى داقىلداردى تاسىمالداۋ كەزىندە ءتىج راسىمدەۋ مىندەتتى — مكك

ەاەو ەلدەرىمەن شەكارادان ءوتۋ ۋاقىتى قىسقارتىلادى

مەملەكەتتىك كىرىستەر كوميتەتى ەاەو ەلدەرىنەن استىق پەن ءداندى داقىلداردىڭ جەكەلەگەن تۇرلەرىن يمپورتتاۋ جانە ەكسپورتتاۋ كەزىندە ءتىج راسىمدەۋ مىندەتتى ەكەندىگىن قۇلاعدار ەتتى، دەپ حابارلايدى Almaty-akshamy.kz.

مەملەكەتتىك كىرىستەر كوميتەتى 2023 جىلى 10 اقپاننان باستاپ استىق پەن ءداندى داقىلداردىڭ جەكەلەگەن تۇرلەرىن يمپورتتاۋ جانە ەكسپورتتاۋ كەزىندە تاۋارلارعا ىلەسپە جۇكقۇجاتتاردى (بۇدان ءارى –ءتىج) راسىمدەۋ مىندەتتەلگەنىن ەسكە سالادى. بۇل ق ر پرەمەر-مينيسترىنىڭ ورىنباسارى – قارجى ءمينيسترىنىڭ 2022 جىلعى 22 قاراشاداعى №1178 بۇيرىعىندا كورسەتىلگەن.

تاسمالداۋشى ەاەو ەلدەرىنەن (رەسەي، بەلارۋس، قىرعىستان جانە ارمەنيا) استىقتى يمپورتتاۋ كەزىندە مەملەكەتتىك كىرىستەر ورگاندارىنىڭ قىزمەتكەرلەرىنە ءتىج ۇسىنۋى قاجەت. 

ەلەكتروندىق شوت-فاكتۋرالاردىڭ اقپاراتتىق جۇيەسىندە (ەشف اج) جۇك يەسى ءتىج-نىڭ ەلەكتروندى تۇردە تولتىرىلادى. ەشف اج جۇيەسىنە تىركەلۋ مەن جۇمىس جاساۋ تەگىن.

"ءتىج-نىڭ بولۋى، جۇك قۇجاتتاردى تەكسەرۋ پروسەدۋراسىن ەداۋىر جەڭىلدەتەدى جانە ەاەو ەلدەرىمەن شەكارادان ءوتۋ ۋاقىتى قىسقارتىلاتىنىن نازارلارىڭىزعا جەتكىزەمىز. ءتىج-داعى مالىمەتتەر جۇك قۇجاتتارىنداعى مالىمەتتەرگە سايكەس كەلۋى ءتيىس، ناقتى تاسمالدانعان جۇك بويىنشا سايكەسسىزدىكتەر انىقتالعان جاعدايدا اكىمشىلىك ايىپپۇل قاراستىرىلعان (20 دەن 100 دەيىن اەك، ق ر اقبتك – ءنىڭ 283-1 بابى)"، - دەلىنگەن حابارلامادا.