پوليسەيلەر وتباسىن تەكسەرۋ ءۇشىن دارىگەرلەرگە تاپسىردى
جامبىل پوليسەيلەرى جۇكتى انانى ەكi بالاسىمەن ورتتەن قۇتقارىپ قالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
14 اقپان كۇنى مەركى اپب ءاپب جول-تەحنيكالىق ينسپەكسياسى توبىنىڭ مەملەكەتتىك اۆتوينسپەكتورلارى دانيار تنالييەۆ پەن نۇرداۋلەت نۇرعالي ينتەرناسيونالنىي كەنتىندە كوكجيەك كوشەسىندەگى ۇيلەردىڭ ءبىرىنىڭ تەرەزەسىنەن قالىڭ ءتۇتىندى كورەدi. جاقىن بارعاندا پوليسەيلەر جەكە ءۇيدىڭ ءتۇتىن مەن جالىنعا تولى ەكەنىن بايقايدى. ولار جەكە قاۋىپسىزدىگi تۋرالى ءبىر ءسات تە ويلانباستان، ءوتىپ بارا جاتقان ادامدارعا ءورت سوندىرۋشىلەر مەن جەدەل جاردەم بريگاداسىن شاقىرۋدى ايتىپ، وزدەرى ۇيگە قاراي جۇگىردى.
«ءارiپتەسiم ەكەۋمiز ۇيگە قاراي جۇگىرگەندە، ايەلدىڭ داۋىسى مەن بالانىڭ جىلاعانىن ەستىدىك. ويلانىپ تۇراتىن ۋاقىت جوق ەدi. ءبىز تەرەزەنى سىندىرىپ، iشكە ەندiك. مەن قالىڭ ءتۇتىندى ارالاي باستادىم. ەشتەڭە كورىنبەدى، بالالاردىڭ داۋسىمەن عانا تۇرعان جەرلەرiن انىقتاي الدىم. دەر كەزىندە قۇتقارا العانىمىزعا قۋاندىق. بiز ءوز مiندەتiمiزگە ساي ءارقاشان قيىن ساتتە كومەككە كەلۋگە دايىن ەكەندىگiمiزدi ايتقىم كەلەدi»، – دەدى دانيار تنالييەۆ.
سول بىرنەشە شەشۋشى مينۋتتاردا ەكى ەرجۇرەك پوليسيا قىزمەتكەرى ورتەنىپ جاتقان ۇيدەن ەكى كىشكەنتاي بالا مەن ولاردىڭ جۇكتى اناسىن قۇتقارىپ قالدى. وعان قوسا جەدەل جاردەم كەلگەنگە دەيىن دەنساۋلىقتارىن باقىلاپ، كەز كەلگەن جاعدايدا قاجەتتى قۇتقارۋ شارالارىن وتكىزۋگە دايىن بولدى. كوپ ۇزاماي كەلگەن ءورت ءسوندىرۋ قىزمەتىنىڭ قىزمەتكەرلەرى ءورشiگەن جالىندى ءسوندىردi.
پوليسەيلەر وتباسىن تەكسەرۋ ءۇشىن دارىگەرلەرگە تاپسىردى. سودان كەيىن عانا شتاتتىق رەجيمدەگi ءوز قىزمەتتەرىن ءارى قاراي جالعاستىرۋعا كەتتى.