ءىى دارەجەلى «دوستىق» وردەنىمەن ماراپاتتادى.
مەملەكەت باسشىسى Shell plc كومپانياسىنىڭ باس اتقارۋشى ديرەكتورى بەن ۆان بەردەنمەن جانە گاز، جەك، ەنەرگەتيكا سالالارىنداعى كەشەندى شەشىمدەر بولىمشەسىنىڭ ديرەكتورى ۋاەل ساۋانمەن كەزدەسۋ وتكىزدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
اڭگىمەلەسۋ بارىسىندا مۇناي-گاز جانە ەنەرگەتيكا سەكتورلارىنداعى ىنتىماقتاستىقتىڭ پەرسپەكتيۆالارى تالقىلاندى. قاراشىعاناق جانە قاشاعان كەن ورىندارىن ودان ءارى يگەرۋگە ەرەكشە نازار اۋدارىلدى.
قاسىم-جومارت توقايەۆ جاقىن ارادا قىزمەتىنەن بوسايتىن بەن ۆان بەردەنگە قازاقستاننىڭ مۇناي-گاز سالاسىن دامىتۋعا قوسقان ۇلەسى ءۇشىن العىس ايتتى. سونداي-اق اتالعان كومپانيانىڭ باسشىلىعىنا كەلەتىن ۋاەل ساۋانعا تابىس تىلەدى. پرەزيدەنت ونىڭ قىزمەتى ەلىمىزبەن ءوزارا ءتيىمدى سەرىكتەستىكتى دامىتۋعا سەپتىگىن تيگىزەتىنىنە سەنىم ءبىلدىردى.
كەزدەسۋ سوڭىندا مەملەكەت باسشىسى مۇناي-گاز ونەركاسىبىن دامىتۋعا قوسقان ەلەۋلى ۇلەسى ءۇشىن بەن ۆان بەردەندى ءىى دارەجەلى «دوستىق» وردەنىمەن ماراپاتتادى.