جىلىنا ءبىر رەت شىعاتىن «The Muslim 500» باسىلىمىنا قازاقستان پرەزيدەنتى قاسىم-جومارت توقايەۆ، «ءال-ازھار» ۋنيۆەرسيتەتىنىڭ باس يمامى شەيح احمەد ات-تايەبپەن قاتار، العاش رەت ديماش قۇدايبەرگەننىڭ ەسىمى جازىلدى.
جالپى، باسىلىم جىلىنا ءبىر رەت مۇسىلمان الەمىنە ايتارلىقتاي ىقپالى بار مادەنيەت، يدەولوگيا، قارجى، ساياسات جانە باسقا دا بيلىك سالاسىنداعى الەمدەگى ەڭ ىقپالدى 500 ادامدى انىقتاپ وتىرادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ديماش (قۇدايبەرگەن دىنمۇحاممەد قانات ۇلى) — ءانشى، كوپتەگەن ءاننىڭ اۆتورى جانە باستان سوپرانوعا دەيىن كەڭ ۆوكالدى دياپازونى بار مۋلتي-ينسترۋمەنتاليست. ول قىتايداعى بەدەلدى انشىلەر شوۋىنان كەيىن بىردەن تانىمال بولىپ، قىتايدا، رەسەيدە جانە تۋعان جەرى قازاقستاندا بارلىق ءىرى انشىلەرگە ارنالعان سىيلىقتارعا يە بولدى، تانىمالدىعى ارتا ءتۇستى. ول ەلىندە قايىرىمدىلىق ىسىمەن دە تانىمال. تۋعان قالاسى اقتوبەدە تاياۋدا ونىڭ اتىنا ارنالعان مۋزەي قۇرىلعانى جاريالاندى»، - دەپ جازادى باسىلىم.