يوردانيا استاناسى اممان قالاسىندا بوكستان بولىپ جاتقان ازيا چەمپيوناتىندا نازىم قىزايباي قولا جۇلدەگەر اتاندى.
كۇندىزگى سەسسيادا قازاقستاننان العاشقى بولىپ رينگكە ەكى مارتە الەم چەمپيونى نازىم قىزايباي شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ول 50 كەلىگە دەيىنگى سالماقتا جاپونيا ەلىنىڭ وكىلى، 2020 جىلعى توكيو وليمپياداسىنىڭ قولا جۇلدەگەرى ناميكي سۋكيميمەن جۇدىرىقتاستى.
نازىم وسى چەمپيوناتتا شيرەك فينالدا موڭعوليالىق مۋنگۋنساران بالسانمەن قولعاپ تۇيىستىرگەن بولاتىن. جەكپە-جەك تارتىستى ءوتىپ، تورەشىلەر 3:2 ەسەبىمەن جەڭىستى قازاقستاندىق بوكسشىعا بەرگەن ەدى.
ن.قىزايبايدىڭ جارتىلاي فينالدىق باسەكەسى دە قىزۋ ءوتتى. قوس بوكسشى ايانىپ قالعان جوق. تورەشىلەر جەڭىستى باسىم داۋىسپەن جاپونيالىق سپورتشىعا بەردى.
ن.سۋكۋمي فينالدا ۆەتنامدىق تي تام نگۋەنمەن التىن جۇلدەنى ساراپقا سالادى.
سونداي-اق بۇگىن ازيا چەمپيوناتىندا تاعى سەگىز بوكسشى قىزىمىز فينالدىڭ جولداماسىن ساراپقا سالادى