پرەزيدەنت شاحماتشى دينارا ءسادۋاقاسوۆانى قۇتتىقتادى
پرەزيدەنت دارىندى شاحماتشىعا تالماي ەڭبەك ەتىپ، جەڭىستەن جەڭىسكە جەتە بەرۋىنە تىلەكتەستىك ءبىلدىردى
پرەزيدەنت قاسىم-جومارت توقايەۆ الماتىدا ءوتىپ جاتقان شاحماتتان الەم چەمپيوناتىندا راپيد بويىنشا كۇمىس مەدال يەلەنگەن دينارا ءسادۋاقاسوۆانى قۇتتىقتادى، دەپ حابارلايدى Almaty-akshamy.kz.
مەملەكەت باسشىسى قازاقستان شاحماتشىلارىنىڭ الەم چەمپيوناتىنداعى جەتىستىكتەرى ەلىمىز ءۇشىن ۇلكەن ماقتانىش ەكەنىن اتاپ ءوتتى.
ونىڭ ايتۋىنشا، سپورتشىلارىمىزدىڭ حالىقارالىق تۋرنيرلەردەگى ءاربىر جەڭىسى وسى سپورت تۇرىمەن اينالىساتىن جاستاردى قاناتتاندىرادى جانە بۇل قازاقستان شاحمات مەكتەبىنىڭ دەڭگەيى جوعارى ەكەنىن كورسەتەدى.
پرەزيدەنت دارىندى شاحماتشىعا تالماي ەڭبەك ەتىپ، جەڭىستەن جەڭىسكە جەتە بەرۋىنە تىلەكتەستىك ءبىلدىردى.
سونىمەن قاتار مەملەكەت باسشىسى الماتىدا ءوتىپ جاتقان وسى الەمدىك سايىستا جوعارى ناتيجە كورسەتكەن جانسايا ابدىمالىككە دە ىزگى تىلەگىن جولدادى.
ەسكە سالساق، الماتى قالاسىندا شاحماتتان ءوتىپ جاتقان الەم چەمپيوناتىندا قازاقستاندىق دينارا ءسادۋاقاسوۆا راپيدتەن كۇمىس جۇلدەگەر اتاندى.