نۇرلان قۇرمالايەۆ ەكولوگيا ۆيسە-مينيسترى بولىپ تاعايىندالدى

ول بۇعان دەيىن «ۇلتتىق اقپاراتتىق تەحنولوگيالار» اق باسقارما ءتوراعاسىنىڭ ورىنباسارى بولعان.

نۇرلان قۇرمالايەۆ ق ر ەكولوگيا، گەولوگيا جانە تابيعي رەسۋرستار ۆيسە-مينيسترى بولىپ تاعايىندالدى، دەپ حابارلايدى Almaty-akshamy.kz اقورداعا سىلتەمە جاساپ.

«ق ر ۇكىمەتىنىڭ قاۋلىسىمەن نۇرلان سايىن ۇلى قۇرمالايەۆ قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ۆيسە-مينيسترى قىزمەتىنە تاعايىندالدى»، - دەلىنگەن حابارلامادا.

نۇرلان قۇرمالايەۆ 1988 جىلى الماتى قالاسىندا تۋعان.

ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، وكسفورد برۋكس ۋنيۆەرسيتەتىن بىتىرگەن. پرەزيدەنتتىك جاستار كادر رەزەرۆىنىڭ مۇشەسى.

ەڭبەك جولىن 2010 جىلى جەكە مەنشىك كومپانيادا مەنەدجەر بولىپ باستاعان.

ءار جىلدارى كوممەرسيالىق كومپانيالاردا باسشىلىق لاۋازىمداردا جۇمىس ىستەدى.

2015-2017 جىلدارى – «Astana Innovations» اق باسقارما ءتوراعاسىنىڭ ورىنباسارى، كەڭەسشىسى.

2018-2019 جىلدارى – «سامۇرىق قازىنا» كۋ جم سيفرلاندىرۋ جونىندەگى مەنەدجەرى.

2019-2021 جىلدارى - ق ر يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىمىندا باسشىلىق قىزمەتتەر اتقاردى.

2021 جىلعى شىلدە ايىنان باستاپ قازىرگى ۋاقىتقا دەيىن «ۇلتتىق اقپاراتتىق تەحنولوگيالار» اق باسقارما ءتوراعاسىنىڭ ورىنباسارى بولدى.