قاسىم-جومارت توقايەۆقا تمد-عا مۇشە مەملەكەتتەردىڭ پارلامەنتارالىق اسسامبلەياسى كەڭەسىنىڭ قۇرىلعانىنا 30 جىل تولۋىنا وراي الماتىدا وتكەن مەرەيتويلىق جيىننىڭ قورىتىندىلارى تۋرالى باياندالدى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
سەنات ءتوراعاسى مەملەكەت باسشىسىنا بيىل قىركۇيەك ايىندا نۇر-سۇلتان قالاسىندا وتەتىن الەمدىك جانە ءداستۇرلى دىندەر كوشباسشىلارىنىڭ VII سەزىنە دايىندىق جۇمىستارى تۋرالى مالىمەت بەردى.
قاسىم-جومارت توقايەۆ قازىرگى كەزەڭدە زامانىمىزدىڭ ەڭ وزەكتى ماسەلەلەرى بويىنشا سىندارلى ديالوگتى قامتاماسىز ەتەتىن قازاقستاندىق فورۋمعا امبەباپ ءارى جاھاندىق ءدىنارالىق ديالوگ الاڭى مارتەبەسىن الۋ ماڭىزدى مىندەت ەكەنىن اتاپ ءوتتى.
ماۋلەن اشىمبايەۆ پالاتانىڭ قازاقستان حالقىنا جولداۋداعى نەگىزگى باعىتتاردى جۇزەگە اسىرۋ جونىندەگى زاڭ شىعارۋ جۇمىستارى تۋرالى ايتتى.
مەملەكەت باسشىسى ەلىمىزدەگى الەۋمەتتىك-ەكونوميكالىق جانە ساياسي رەفورمالاردى زاڭنامالىق تۇرعىدا ساپالى قامتاماسىز ەتۋ قاجەتتىگىن اتاپ ءوتتى.
سونىمەن قاتار سەنات سپيكەرى دەپۋتاتتاردىڭ وڭىرلەرگە ساپارلارىنىڭ قورىتىندىلارى تۋرالى اقپارات بەردى.