ءوزىن بانك قىزمەتكەرى رەتىندە تانىستىرعان ايەل الماتى وبلىسىنىڭ 20-دان استام تۇرعىنىن الداپ كەتتى
سارقاننىڭ 35 جاستاعى تۇرعىنىنا قاتىستى الاياقتىق فاكتىلەرى بويىنشا سوتقا دەيىنگى تەرگەۋ باستالدى. قىلمىستىق ءىس ماتەريالدارىندا قالا جانىندا ورنالاسقان ەلدى مەكەندەردىڭ 20-دان استام تۇرعىنى زارداپ شەككەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
تۇرعىندار ءوز ارىزىندا بانك نەسيەلەرىن وتەۋ ءۇشىن كۇدىكتىگە بەرىلگەن اقشانى ءوز قاجەتتىلىكتەرىنە پايدالانعانىنا شاعىمداندى.
«بەلگىلى بولعانداي، ءوزىن بانكتەردىڭ ءبىرىنىڭ قىزمەتكەرى رەتىندە تانىستىرعان ايەل ءىرى نەسيەلەردى رەسىمدەۋگە كومەكتەسىپ، كەيىننەن ولاردى وتەۋ ول ارقىلى دا جۇزەگە اسىرىلادى دەگەن شارت قويعان. تەكسەرۋ كەزىندە كۇدىكتىنىڭ بانكتە جۇمىس ىستەمەيتىنى انىقتالدى، ال قارجىلىق وپەراسيالاردى ءوزى ونلاين رەجيمدە بانككە كىرگىزىپ قويعان اپكەسىنىڭ قۇجاتتارىن پايدالانىپ، جۇزەگە اسىرعان. كليەنتتەردى ىزدەۋ قىزمەتتەرى ءۇشىن بانك نەسيە سوماسىنا بايلانىستى ەڭ تومەنگى پايىزبەن سىياقى اۋدارىپ وتىرعان. كليەنتتەر اي سايىن بانك قارىزدارىن ادال تولەپ، ونىڭ ءبىر بولىگىن كۇدىكتى ءوز قاجەتتىلىكتەرىنە جۇمساپ وتىرعان. سونداي-اق، ول ادامدارعا جالعان مورمەن راستالعان تۇبىرتەكتەر بەرگەن»، – دەپ حابارلادى سارقان اۋداندىق پوليسياسى.
جابىرلەنۋشىلەرگە كەلتىرىلگەن شىعىن سوماسى ازىرگە سەگىز ملن تەڭگەدەن اسادى. تەرگەپ-تەكسەرۋمەن قامتىلعان كەزەڭ وتكەن جىلدىڭ كۇزىنەن باستالعان. ازاماتتاردىڭ الاياقتىق فاكتىلەرى بويىنشا وتىنىشتەرى اۋداندىق پوليسياعا كەلىپ تۇسۋدە. تەرگەۋ ق ر قك 190-بابى (الاياقتىق) بويىنشا جۇرگىزىلۋدە، ونىڭ بارىسىندا كۇدىكتىگە قاتىستى “كەلۋ تۋرالى مىندەتتەمە” ماجبۇرلەۋ شاراسى تاڭدالدى.