قازاقستاندا ساياسي جاڭعىرۋ ۇدەرىسى جوسپارلى تۇردە جالعاسادى. بۇل تۋرالى مەملەكەت باسشىسى قاسىم-جومارت توقايەۆ پرەزيدەنتتى ۇلىقتاۋ راسىمىندە ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«مەملەكەتتىك قۇرىلىستا ءبىز «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىن ناقتى ۇستانامىز. پرەزيدەنت سايلاۋى بيلىكتىڭ بارلىق نەگىزگى ينستيتۋتىن دايەكتى تۇردە جاڭعىرتۋ ۇدەرىسىن باستاۋعا جول اشتى. سايلاۋ اۋقىمدى ەلەكتورالدى سيكلدىڭ باستاپقى كەزەڭى بولدى. ءبىز ساياسي جاڭعىرۋ ۇدەرىسىن جوسپارلى تۇردە جالعاستىرامىز»، - دەدى پرەزيدەنت.
بۇگىن پرەزيدەنت «قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋىن تاعايىنداۋ تۋرالى» جارلىققا قول قوياتىنىن ايتتى. وسىلايشا، جوعارعى پالاتا دەپۋتاتتارىنىڭ كەزەكتى سايلاۋى كونستيتۋسيالىق رەفورمانى ناقتى جۇزەگە اسىرۋدىڭ جالعاسى بولادى.
«سايلاۋ قورىتىندىسى بويىنشا سەناتتىڭ دەپۋتاتتىق كورپۋسىنىڭ ءبىر بولىگى باسەكەلەستىك جانە اشىقتىق قاعيداتتارى نەگىزىندە جاڭارادى. بۇدان بولەك، بۇگىن مەن كونستيتۋسيالىق رەفورمانى جۇزەگە اسىرۋدىڭ كەلەسى ساتىسى رەتىندە «قازاقستان رەسپۋبليكاسى جوعارى اۋديتورلىق پالاتاسىنىڭ كەيبىر ماسەلەلەرى تۋرالى» جارلىققا قول قويامىن. كەلەسى كەزەڭ – ونى تولىققاندى ترانسفورماسيالاۋ»، - دەدى مەملەكەت باسشىسى.