مەملەكەت باسشىسى قازاقستان رەسپۋبليكاسىنىڭ اۋىلدىق اۋماقتارىن دامىتۋدىڭ 2023-2027 جىلدارعا ارنالعان تۇجىرىمداماسى تۋرالى جارلىققا قول قويدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«اۋىلدىق اۋماقتاردى دامىتۋ تاسىلدەرىنىڭ ينستيتۋسيونالدىق جاعىنان قامتاماسىز ەتىلۋىن دامىتۋ جانە تيىمدىلىگىن ارتتىرۋ، سونداي-اق اۋىلدىق جەرلەردە ءومىر ءسۇرۋ ساپاسىن جاقسارتۋ جانە جايلى ءومىر ءسۇرۋ ورتاسىن جاساۋ ماقساتىندا قاۋلى ەتەمىن:
1. قازاقستان رەسپۋبليكاسىنىڭ ۇكىمەتى:
1) 2023 جىلعى 31 ناۋرىزعا دەيىن قازاقستان رەسپۋبليكاسىنىڭ اۋىلدىق اۋماقتارىن دامىتۋدىڭ 2023-2027 جىلدارعا ارنالعان تۇجىرىمداماسىن قابىلداۋدى قامتاماسىز ەتسىن؛
2) وسى جارلىقتان تۋىندايتىن وزگە دە شارالاردى قابىلداسىن.
2. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى» دەلىنگەن جارلىقتا.