قازاقستاندا كەزەكتەن تىس پرەزيدەنت سايلاۋى 20 قاراشادا وتەدى.
قاراشادا وتەتىن قازاقستان پرەزيدەنتىنىڭ سايلاۋىندا داۋىس بەرۋ بيۋللەتەنى دايىن، دەپ حابارلايدى Almaty-akshamy.kz
داۋىس بەرۋشىلەر تاڭداعان كانديداتتىڭ ءاتى-جونى جازىلعان تۇستاعى بوس شارشىعا كەز كەلگەن بەلگى قويۋى كەرەك. سوڭعى باعان – «بارىنە قارسىمىن».
ورتالىق سايلاۋ كوميتەتى ۇسىنعان اقپاراتقا سايكەس، سايلاۋعا 11 ميلليون 950 مىڭ 485 ادام قاتىسا الادى. رەزەرۆ ەسەبىمەن 12 ميلليون دانادان استام داۋىس بەرۋ بيۋللەتەنى باسىپ شىعارىلدى.
ەسكە سالساق، قازاقستاندا كەزەكتەن تىس پرەزيدەنت سايلاۋى 20 قاراشادا وتەدى.