ەندى شەكارا سىزىعى كاسپيي تەڭىزىندەگى سۋ دەڭگەيىنىڭ تومەندەگەندە وزگەرمەيدى.
مەملەكەت باسشىسى «ق ر مەن تۇرىكمەنستان اراسىنداعى كاسپيي تەڭىزىندەگى قازاقستان-تۇرىكمەنستان مەملەكەتتىك شەكاراسىن مەجەلەۋ جانە بالىق اۋلاۋ ايماقتارىنىڭ شەكتەس ۋچاسكەلەرىن ءبولۋ تۋرالى شارتتى راتيفيكاسيالاۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى Almaty-akshamy.kz اقورداعا سىلتەمە جاساپ.
ەندى ەكى ەل اراسىنداعى شەكارا سىزىعى كاسپيي تەڭىزىندەگى سۋ دەڭگەيىنىڭ ىقتيمال تومەندەۋىمەن وزگەرمەيدى. دەماركاسيا سىزىقتارى قازىرگى حالىقارالىق تەڭىز قۇقىعىندا قاراما-قارسى نەمەسە ىرگەلەس جاعالاۋلارى بار مەملەكەتتەر اراسىنداعى تەڭىز كەڭىستىگىن دەليميتاسيالاۋ ءۇشىن قولدانىلاتىن جالپى تانىلعان ادىستەمە بولىپ تابىلاتىن مەديانالىق سىزىق پرينسيپىنە نەگىزدەلگەن.
كەلىسىم قازاقستان مەن تۇركىمەنستان اراسىنداعى اۋماقتىق سۋلاردى شەكتەيتىن كاسپيي تەڭىزى بويىنشا مەملەكەتتىك شەكارا سىزىعىن جانە بالىق اۋلاۋ ايماقتارىنىڭ ىرگەلەس ۋچاسكەلەرىن دەماركاسيالاۋ سىزىعىن وتكىزۋدى كوزدەيدى.
بۇعان دەيىن ۆيسە-پرەمەر ءارى سىرتقى ىستەر ءمينيسترى مۇحتار تىلەۋبەردى كەلىسىمنىڭ قابىلدانۋى تۇركىمەنستانمەن داۋلاردىڭ ىقتيمال العىشارتتارىن جويادى دەپ مالىمدەگەن.
كەلىسىمگە 2021 جىلدىڭ 25 قازانىندا اشحابادتا قول قويىلعان.
كەلىسىم قازاقستاننىڭ تەڭىزدىڭ وڭتۇستىك جاعالاۋىنداعى مەملەكەتتىك شەكاراسىن دەليميتاسيالاۋ پروسەسىن اياقتايدى جانە جاعالاۋداعى مەملەكەتتەر اراسىنداعى كاسپيي تەڭىزىندەگى مەملەكەتتىك شەكارالاردى زاڭدى تۇردە بەكىتكەن تاريحتاعى العاشقى قۇجات بولدى.