جالپىۇلتتىق سوسيال-دەموكراتيالىق پارتياسى اتىنان كەزەكتەن تىس پرەزيدەنت سايلاۋىنا نۇرلان اۋەسبايەۆ قاتىسادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
بۇگىن كەزەكتەن تىس سەزدە دەلەگاتتار نۇرلان اۋەسبايەۆتىڭ كانديداتۋراسىن قولدادى.
"سەزد جالپىۇلتتىق سوسيال-دەموكراتيالىق پارتياسى اتىنان پرەزيدەنتتىككە ۇمىتكەر رەتىندە نۇرلان ساتىبالدى ۇلى اۋەسبايەۆتى تاڭداۋ تۋرالى شەشىم قابىلدادى"، - دەدى پارتيا ءتوراعاسى اسحات راقىمجانوۆ.
پارتيا ءوز تاريحىندا العاش رەت پرەزيدەنت سايلاۋىنا ۇمىتكەر ۇسىنىپ وتىر.
جاڭا كانديدات جايلى نە بىلەمىز
نۇرلان اۋەسبايەۆ 1957 جىلى تۇركىستان وبلىسىندا تۋعان. پارتيانىڭ استانالىق فيليلىن باسقارادى. جوعارى ءبىلىمى بار، اۋەزوۆ اتىنداعى وڭتۇستىك قازاقستان ۋنيۆەرسيتەتىن ءتامامداعان. ۇزاق جىلدار بويى اكىمدىكتەردە ءتۇرلى لاۋازىمداردى اتقاردى.
جسدپ – قازاقستانداعى وپپوزيسيالىق ساياسي پارتيا. 2006 جىلى 10 قىركۇيەكتە قۇرىلعان.
ەسكە سالساق، كەزەكتەن تىس پرەزيدەنت سايلاۋى 20 قاراشادا وتەدى.