ەربولات دوسايەۆ مۇعالىمدەر كۇنىن مەرەكەلەۋگە ارنالعان سالتاناتتى ءىس-شارا بارىسىندا «الماتى ۇستازى» بايقاۋىنىڭ جەڭىمپازدارىن ماراپاتتادى.
جاس پەداگوگتارعا ارنالعان بايقاۋ 2022 جىلدىڭ 1 تامىزىندا باستالىپ، 3 كەزەڭدە ءوتتى. "الماتى ۇستازى" اياسىندا 3500-دەن استام وقىتۋشى زاماناۋي ءبىلىم بەرۋ ۇدەرىسىنە وزىق تاسىلدەر مەن سيفرلىق تەحنولوگيالاردى ەنگىزۋ بويىنشا ءوز داعدىلارىن كورسەتتى.
مەگاپوليس باسشىسى فينالعا شىققان بەس جاس پەداگوگقا فينليانديادا تاعىلىمدامادان وتۋگە سەرتيفيكاتتار تابىس ەتتى. ماراپاتتارعا: №13 گيمنازيا مەكتەبىنىڭ باستاۋىش سىنىپ ءمۇعالىمى جاننا كاكەنوۆا، №104 مەكتەپ تاريح ءپانىنىڭ ءمۇعالىمى نۇرجان يبراگيموۆ، №69 مەكتەپ تاريحشىسى بولات مۇڭبايەۆ، №39 مامانداندىرىلعان ليسەيدىڭ قازاق ءتىلى مەن ادەبيەتى ءپانىنىڭ وقىتۋشىسى الينا دينابەكوۆا يە بولدى.
فينليانديادا تاعىلىمدامادان وتۋگە 5 ملن تەڭگە كولەمىندەگى باس جۇلدەنى №135 جالپى ءبىلىم بەرەتىن مەكتەپتىڭ تاريح ءپانىنىڭ ءمۇعالىمى ءانۋار يسايەۆ جەڭىپ الدى.
بايقاۋ شارتتارىنا سايكەس، وعان 36 جاسقا دەيىنگى الماتى قالاسىنىڭ مەملەكەتتىك ءبىلىم بەرۋ ۇيىمدارىندا وقۋ جوسپارىنىڭ بارلىق پاندەرى بويىنشا 1-12 سىنىپ مۇعالىمدەرى قاتىسا الادى.
سونىمەن قاتار فينالعا قاتىسقان بيولوگيا جانە ماتەماتيكا پاندەرىنەن ەكى ءمۇعالىم قالا اكىمى ەربولات دوسايەۆتان فينلياندياعا تاعىلىمداما تۇرىندەگى ارنايى جۇلدەمەن ماراپاتتالدى.
27 گيمنازيانىڭ بيولوگيا ءپانىنىڭ ءمۇعالىمى داميرا الىپبەك.
178 مامانداندىرىلعان ليسەيدىڭ ماتەماتيكا ءپانىنىڭ ءمۇعالىمى لۋنارا امالبەكوۆا.