ەپيدجاعداي: قالادا ۆيرۋس جۇقتىرعانداردىڭ دەنى - جاستار
الماتى قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين مەگاپوليستەگى ەپيدەميولوگيالىق احۋال تۋرالى ايتتى، دەپ حابارلايدى Almaty-akshamy.kz
«جىل باسىنان بەرى الماتىدا كوروناۆيرۋس جۇقتىرۋدىڭ 156 مىڭ جاعدايى تىركەلدى. سوڭعى تاۋلىكتە 309 ادام ۆيرۋس جۇقتىردى. "دەلتا" شتامى شىققاندا، كۇنىنە 1700-گە دەيىن جاعداي تىركەلەتىن، ءقازىر - تاۋلىگىنە 300-350. كوروناۆيرۋستىڭ تارالۋى بازالىق بولجامعا سايكەس ينفەكسيالاردىڭ تومەندەۋ ديناميكاسىندا تۇراقتانۋدى جالعاستىرىپ جاتىر»، - دەيدى ول.
سپيكەردىڭ ايتۋىنشا، سىرقاتتانۋ كورسەتكىشى 100 مىڭ تۇرعىنعا شاققاندا 121-دەن 113-كە دەيىن تومەندەدى. ال تاۋلىك ءوسىمى 0،22-دەن 0،18-گە ازايدى.
«ينفەكسيالىق بەرىلۋ يندەكسى 0،9 دەڭگەيىندە ساقتالىپ وتىر. قازىرگى تاڭدا قالادا يممۋنداۋ كورسەتكىشى - 54 پايىز. قالادا ۆيرۋس جۇقتىرعانداردىڭ ەڭ كوبى - 20-39 جاستاعىلار»،- دەدى جانداربەك بەكشين بريفينگتە.