پرەزيدەنت قاسىم-جومارت توقايەۆ جۇڭگو حالىق رەسپۋبليكاسىنا مەملەكەتتىك ساپارمەن باردى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
ساپار اياسىندا مەملەكەت باسشىسى قحر ءتوراعاسى سي سزينپينمەن كەلىسسوز جۇرگىزەدى. كەزدەسۋ بارىسىندا ەكى ەل اراسىنداعى ستراتەگيالىق سەرىكتەستىكتى ودان ءارى نىعايتۋ، ساۋدا جانە ەكونوميكا، ينۆەستيسيا، كولىك-لوگيستيكا، ەنەرگەتيكا سالالارىنداعى ىنتىماقتاستىقتى كەڭەيتۋ، سونداي-اق مادەني-گۋمانيتارلىق بايلانىستاردى تەرەڭدەتۋ ماسەلەلەرى قاراستىرىلادى.
پرەزيدەنت 18 مامىردا قىتايدىڭ ءىرى كومپانيالارىنىڭ باسشىلارىمەن كەزدەسەدى جانە مەملەكەتتىك ساپار اياسىندا ءبىرقاتار شارا وتكىزەدى، سونداي-اق سيان قالاسىنداعى قۇرعاق پورتتا قازاقستاننىڭ لوگيستيكا ورتالىعىنىڭ ىرگەتاسىن قالاۋ راسىمىنە قاتىسادى.
مەملەكەت باسشىسى 19 مامىردا «ورتالىق ازيا – جۇڭگو» سامميتىنە قاتىسادى. سونىمەن قاتار پرەزيدەنت ەلىمىزدىڭ سيان قالاسىنداعى باس كونسۋلدىعىنىڭ سالتاناتتى تۇردە اشىلۋ راسىمىنە قاتىسادى دەپ جوسپارلانىپ وتىر.