الماتى وبلىسىندا ءجۇرىپ بارا جاتقان كولىككە ۇمتىلعان وقۋشىنىڭ اتا-اناسى جازالاندى، دەپ حابارلايدى Almaty-akshamy.kz.
الەۋمەتتىك جەلىدە ارقاسىندا مەكتەپ سومكەسى بار ۇل بالانىڭ ءجۇرىپ بارا جاتقان كولىكتەرگە ۇمتىلعان ۆيدەوسى تاراپ، جەلى قولدانۋشىلاردىڭ الاڭداۋشىلىعىن تۋعىزدى. ءوزىنىڭ دە، وزگەنىڭ دە ءومىرىن قاتەرگە تىگۋ ءقاۋپىن تۋدىرعان وقۋشىنىڭ كىم ەكەنى انىقتالىپ، اتا-اناسىنا شارا قولدانىلدى. ابىروي بولعاندا، كولىكتەرگە ۇمتىلعان بالا ءدىن امان.
«يۋۆەنالدى پوليسيا قىزمەتكەرلەرى وقۋشىنى تاۋىپ، وزىمەن جانە اتا-اناسىمەن پروفيلاكتيكالىق جۇمىس جۇرگىزدى. اتا-اناسى بالانىڭ تاربيەسىنە دۇرىس قاراماعانى ءۇشىن اكىمشىلىك جاۋاپكەرشىلىككە تارتىلدى»،- دەلىنگەن الماتى وبلىستىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.
ۆەدومستۆو وكىلدەرى ءار اتا-انا بالالارىنا جول ءجۇرۋ ەرەجەلەرىن قاتاڭ ساقتاۋدى ءجيى ايتىپ وتىرۋدى ەسكە سالادى.