«التىن وردا» بازارىنىڭ بۇرىنعى باسشىلىعى ءالى تابىلمادى.
الماتى وبلىسى پوليسەيلەرى كۇدىكتىلەردى انىقتاۋ جانە ۇستاۋ ماقساتىندا ءبىرقاتار جەدەل ىزدەستىرۋ شارالارىن جۇرگىزۋدە، دەپ حابارلايدى Almaty-akshamy.kz.
«Altyn Orda QazTrade LTD» ج ش س باسشىلىعى د.ا ءابدىعاپاروۆ جانە باسقا قىزمەتكەرلەرى جاساعان اسا ءىرى كولەمدە قاراجات جىمقىرۋ فاكتىسى قاراساي اۋداندىق پوليسيا باسقارماسىندا تىركەلگەن. ق ر قىلمىستىق كودەكسىنىڭ 190-بابىنىڭ 4-بولىگىنىڭ 2-تارماعى بويىنشا سوتقا دەيىنگى تەرگەپ-تەكسەرۋ ءجۇرىپ جاتىر. تەرگەۋ ناتيجەسى بويىنشا 2022 جىلدىڭ 17 قازانىندا قىلمىستىق ءىس جۇرگىزۋ كودەكسىنىڭ 45-بابى 7-بولىگى 3-تارماعى نەگىزىندە سوتقا دەيىنگى تەرگەپ-تەكسەرۋ مەرزىمى ءۇزىلىپ قالدى (كۇدىكتى ادامداردى ىزدەۋگە بايلانىستى)»، - دەيدى الماتى وبلىستىق پوليسيا دەپارتامەنتى باستىعىنىڭ ورىنباسارى ارمان تىلەنشين.
ايتۋىنشا، ءقازىر دەپارتامەنت قىزمەتكەرلەرى كۇدىكتىلەردى انىقتاۋ جانە ۇستاۋ ماقساتىندا ءبىرقاتار جەدەل ىزدەستىرۋ شارالارىن جۇرگىزىپ جاتىر
وزگە مالىمەتتەر قىلمىستىق ءىس جۇرگىزۋ كودەكسىنىڭ 201-بابىنا سايكەس جاريا ەتۋگە جاتپايدى.
الماتى ماڭىنداعى «التىن وردا» بازارىنىڭ بۇرىنعى باسشىلىعىنا وسى جىلدىڭ قاڭتارىندا حالىقارالىق ىزدەۋ جاريالانعانىن ەستەرىڭىزگە سالامىز.
ايتا كەتەيىك، 1982 جىلى تۋعان دانيار ءابدىعاپاروۆقا، 1982 جىلى تۋعان جۇمادين پاتوۆقا، 1984 جىلى تۋعان قانات جاقايەۆقا، سونىمەن قاتار 1986 جىلى تۋعان ايدوس نۇرقالييەۆقا قىلمىستىق كودەكستىڭ 190-بابى بويىنشا حالىقارالىق ىزدەۋ جاريالاندى.