پرەزيدەنت جولداۋىندا بەلگىلەنگەن مىندەتتەرگە سايكەس ۇكىمەت تاۋار نارىقتارىندا اشىق جانە باسەكەلەستىك جاعدايلار تۋعىزۋ ءۇشىن ءتيىستى شارالار قابىلداۋدا. ماسەلەن، 2024 جىلعى جەلتوقساندا نارىقتىڭ اشىق جۇمىس ىستەۋ ەرەجەلەرىن ورناتۋ ءۇشىن باسەكەلەستىك ورتانى دامىتۋعا باعىتتالعان بيرجالىق ساۋدا تۋرالى زاڭ قابىلداندى.
«الەۋمەتتىك ماڭىزى بار بيرجالىق تاۋار» ۇعىمى زاڭنامالىق تۇردە ەنگىزىلدى، ول ەنەرگەتيكالىق جانە ازىق-تۇلىك قاۋىپسىزدىگىن قامتاماسىز ەتۋ ءۇشىن شەشۋشى ماڭىزعا يە. بۇل الىپساتارلىقتى جويىپ، باعانى اشىق بەلگىلەۋگە جانە وتاندىق نارىقتى وسى تاۋارلارمەن تۇراقتى قامتاماسىز ەتۋگە كەپىلدىك بەرەدى»، — دەپ اتاپ ءوتتى ساۋدا جانە ينتەگراسيا ءمينيسترى ارمان شاققالييەۆ.
ودان بولەك، الەۋمەتتىك ماڭىزى بار تاۋارلارمەن ساۋدانى جۇزەگە اسىرۋعا ۋاكىلەتتى بيرجالاردى كونكۋرستىق ىرىكتەۋ تەتىگى ەنگىزىلدى. بۇل اففيلييرلەنگەن قۇرىلىمداردىڭ قۇرىلۋىن بولدىرمايدى جانە قاتىسۋشىلاردىڭ ساۋدا الاڭدارىنا تەڭ قول جەتكىزە الۋىنا كەپىلدىك بەرەدى.