بۇگىن تۇركى مادەنيەتى مەن مۇراسى قورىنىڭ قۇرىلعانىنا 13 جىل تولدى.
قور 2012 جىلعى 23 تامىزدا تۇركى مەملەكەتتەرى ۇيىمىنىڭ بىشكەك قالاسىندا وتكەن ءسامميتى بارىسىندا قازاقستان، قىرعىزستان، تۇركيا مەملەكەت باسشىلارىنىڭ قولداۋىمەن جانە ازەربايجان رەسپۋبليكاسىنىڭ پرەزيدەنتىنىڭ باستاماسىمەن قۇرىلدى.
«ادەبيەت جانە ونەر» پورتالى وسى 13 جىلدىق تاريحقا، اسىرەسە سوڭعى جىلعى تەڭدەسسىز قىزمەتكە نازار اۋدارا وتىرىپ، تۇركى الەمىنىڭ عاجايىپ ءارى كۇنشۋاقتى قالاسى باكۋدە ورنالاسقان قور تۇركى حالىقتارىنىڭ قولونەرى، فولكلورى، تاريحى، ادەبيەتى جانە وزگە دە مادەنيەت سالالارىنداعى مۇراسىن ساقتاۋ، دامىتۋ، نىعايتۋ جانە ناسيحاتتاۋ باعىتىنداعى قىزمەتىن تابىستى جالعاستىرىپ كەلە جاتقانىن اتاپ وتەدى.
تۇركى مادەنيەتى قورىنىڭ پرەزيدەنتى، قازاقستاننىڭ جانە الەمنىڭ تانىمال كومپوزيتورى اقتوتى رايىمقۇلوۆا اتاپ وتكەندەي، تۇركى مادەنيەتى مەن مۇراسى قورىنىڭ قۇرىلۋى ازەربايجان رەسپۋبليكاسى پرەزيدەنتىنىڭ باستاماسىنان تۋىنداپ، قازاقستان، قىرعىزستان جانە تۇركيا پرەزيدەنتتەرىنىڭ قولداۋىمەن 2012 جىلعى 23 تامىزدا بىشكەكتە وتكەن تۇركى كەڭەسىنىڭ (قازىرگى تۇركى مەملەكەتتەرى ۇيىمى) سامميتىندە شەشىم قابىلدانعان. قور قۇرىلعان كۇننەن بۇگىنگە دەيىنگى باستى ماقساتىمىز – تۇركى الەمىنىڭ باي مۇراسىن جانە كوپعاسىرلىق تاريحىن زەرتتەۋ، ساقتاۋ جانە ناسيحاتتاۋ بولىپ كەلەدى. وسى ميسسيا اياسىندا تۇركى مادەنيەتى مەن مۇراسى قورى ءبىرقاتار ماڭىزدى ءىس-شارالاردى جۇزەگە اسىرىپ، مادەني ىنتىماقتاستىقتىڭ كەڭەيۋىنە جانە ورتاق قۇندىلىقتاردىڭ الەمگە تانىستىرىلۋىنا ۇلەس قوستى.
الداعى ۋاقىتتا دا قور تۇركى مەملەكەتتەرى اراسىنداعى مادەني بايلانىستاردى نىعايتۋ، ورتاق تۇركى تاريحى مەن مۇراسىن جاڭا زەرتتەۋلەرمەن تولىقتىرۋ، سونداي-اق زاماناۋي تەحنولوگيالار ارقىلى كەڭ اۋديتورياعا جەتكىزۋ باعىتىندا ءوز جۇمىسىن جالعاستىرا بەرمەك.
تۇركى الەمىنىڭ بىرلىگى مەن مۇراسى – بولاشاق ۇرپاققا قالدىرار ەڭ ۇلى امانات!
اتاپ وتكەنىمىزدەي، ازەربايجان پرەزيدەنتىنىڭ باستاماسىمەن، قازاقستان، قىرعىزستان جانە تۇركيا مەملەكەت باسشىلارىنىڭ قولداۋىمەن قۇرىلعان، كەيىننەن وزبەكستاننىڭ قوسىلۋىمەن قاتارىن كەڭەيتكەن جانە الداعى ۋاقىتتا ماجارستان مەن تۇرىكمەنستانمەن ودان ءارى تولىعادى دەپ كۇتىلەتىن بۇل ۇيىم تۇركى حالىقتارىنىڭ ۇلتتىق جانە رۋحاني قۇندىلىقتارىن ناسيحاتتاۋ باعىتىندا كوپتەگەن قۇندى جوبالاردى جۇزەگە اسىرىپ كەلەدى: كىتاپتار جارىق كورۋدە، كورنەكتى زەرتتەۋشى عالىمداردىڭ قاتىسۋىمەن كورمەلەر، كونفەرەنسيالار ۇيىمداستىرىلۋدا. تۇركى دۇنيەسىنىڭ ماتەريالدىق مادەنيەت ەسكەرتكىشتەرىن قايتا قالپىنا كەلتىرۋ باعىتىندا دا جۇمىستار اتقارىلۋدا.
اقتوتى راحمەتوللا قىزىنىڭ ايتۋىنشا، تۇركى دۇنيەسىنىڭ تاريحى مەن مادەنيەتىن بىرلەسە زەرتتەۋ ءۇشىن بارلىق تۇركى ۇيىمدارىنىڭ باس بىرىكتىرىپ، بىرلەسە ەڭبەك ەتۋىنە قولىمىزدان كەلگەننىڭ ءبارىن جاسادى.