ۇكىمەتتىڭ باسپا ءسوز قىزمەتىنىڭ مالىمدەۋىنشە، دۇكەن سورەلەرىندەگى وتاندىق تاۋارلار ۇلەسىن ارتتىرۋ ماقساتىندا وتاندىق وندىرۋشىلەر ونىمدەرى ءۇشىن كەمىندە 50% سورەلىك كەڭىستىكتى كوزدەيتىن باعدارلاما ىسكە قوسىلدى، دەپ حابارلايدى aqshamnews.kz
وتاندىق تاۋار وندىرۋشىلەردىڭ ءبىرىڭعاي ءتىزىلىمى جاسالىپ جاتىر، بۇل كومپانيالارعا مەملەكەتتىك قولداۋ شارالارىنا، سونداي-اق مەملەكەتتىك جانە كۆازيمەملەكەتتىك ساتىپ الۋلارعا قول جەتكىزۋگە مۇمكىندىك بەرەدى.
سونىمەن قاتار ساپاسىز ءارى ءقاۋىپتى ونىمدەردىڭ نارىققا ەنۋىنە شەكتەۋ قويۋ باعىتىندا بەلسەندى جۇمىس جۇرگىزىلىپ جاتىر.
«بارلىق باقىلاۋشى ورگانداردىڭ قاتىسۋىمەن احۋالدىق شتاب ءتيىمدى جۇمىس اتقارۋدا. 47 مىڭنان استام كولىك تەكسەرىلدى، تاۋارلىق سالماقتا بۇل 600 مىڭ توننادان استام مال شارۋاشىلىعى ونىمدەرى. ونىڭ ىشىندە 900-دەن استام اۆتوكولىك كەرى قايتارىلدى، 1 مىڭنان استام سايكەستىكتى راستاۋ قۇجاتتارىنىڭ كۇشى جويىلدى»، – دەدى ساۋدا جانە ينتەگراسيا ءمينيسترى ارمان شاققالييەۆ.