دۇنيەجۇزىلىك دەنساۋلىق ساقتاۋ ۇيىمى پاندەميا 2022 جىلى دا جالعاسۋى مۇمكىن ەكەنىن ەسكەرتتى
الەمدەگى كەدەي ەلدەرگە ۆاكسينا جەتپەي جاتىر. سول سەبەپتى دە ددسۇ باس ديرەكتورىنىڭ اعا كەڭەسشىسى بريۋس ەيلۆارد كوروناۆيرۋس پاندەمياسى 2022 جىلى جالعاسۋى مۇمكىن ەكەنىن ايتتى. ءبىر جاعىنان، ددسۇ وكىلىنىڭ ايتۋىنشا، دامىعان ەلدەر ەڭ كەدەي ايماقتاردى دارى-دارمەكپەن قامتاماسىز ەتۋ بويىنشا مىندەتتەمەلەرىن ورىندامايدى، دەپ حابارلايدى Almaty-akshamy.kz
«جەڭە المايتىنىمىزدى سەنىمدى تۇردە ايتا الامىن. جەدەلدەتۋىمىز كەرەك، ايتپەسە، نە بولاتىنىن بىلەسىز بە؟ پاندەميا اياقتالۋى كەرەك ۋاقىتتان سوزىلىپ كەتەدى»،- دەپ ءتۇسىندىردى ەيلۆارد.
ساراپشىنىڭ ايتۋىنشا، ەگەر الەمنىڭ كوپتەگەن ەلدەرىندە تۇرعىنداردىڭ 40 پايىزعا جۋىعى نەمەسە ودان دا كوبى ۆاكسينا السا، افريكادا ءقازىر حالىقتىڭ 5 پايىزدان ازى عانا كوروناۆيرۋسقا قارسى ەكپە سالدىرعان.
سوندىقتان، ول باي ەلدەردى فارماسيەۆتيكالىق كومپانيالار تابىسى تومەن ەلدەرگە باسىمدىق بەرە الاتىنداي ەتىپ ۆاكسينا كەزەگىنەن باس تارتۋعا شاقىردى.