پرەزيدەنت قحر شىڭجاڭ-ۇيعىر اۆتونوميالىق اۋدانى قكپ پارتيا كوميتەتىنىڭ حاتشىسى ما ءسينجۋيدى قابىلدادى.
مەملەكەت باسشىسى قاسىم-جومارت توقايەۆ قكپ وك ساياسي بيۋروسىنىڭ مۇشەسى، قحر شىڭجاڭ-ۇيعىر اۆتونوميالىق اۋدانى قكپ پارتيا كوميتەتىنىڭ حاتشىسى ما ءسينجۋيدى قابىلدادى،-دەپ حابارلايدى اlmaty-akshamy.kz.
اڭگىمەلەسۋ بارىسىندا ءوڭىرارالىق ىنتىماقتاستىقتى دامىتۋ ماسەلەسىنە نازار اۋدارىلدى. قازاقستان شىڭجاڭ ولكەسىمەن ونەركاسىپ، كولىك، لوگيستيكا، اۋىل شارۋاشىلىعى جانە تۋريزم سەكىلدى كوپتەگەن باعىت بويىنشا تابىستى قارىم-قاتىناس جاساپ وتىر. قاسىم-جومارت توقايەۆ قازاقستان قىتايمەن ستراتەگيالىق سەرىكتەستىك پەن ماڭگىلىك دوستىق رۋحىندا جان-جاقتى ىنتىماقتاستىقتى تەرەڭدەتۋگە باسا ءمان بەرەتىنىن ايتتى. مەملەكەت باسشىسى ەكى ەل اراسىندا بارلىق دەڭگەيدە بەلسەندى ءارى سەنىمدى ساياسي ديالوگ قالىپتاسقانىنا توقتالىپ، قحر-دى قازاقستاننىڭ باستى ساۋدا سەرىكتەستەرىنىڭ ءبىرى رەتىندە اتاپ ءوتتى.
– جۇڭگو حالىق رەسپۋبليكاسىنىڭ ءتوراعاسى سي سزينپين مىرزانىڭ بىلتىر قازان ايىندا قازاقستانعا جاساعان ساپارى وتە ءساتتى بولعانىن ايتقىم كەلەدى. بۇل سOVID پاندەمياسى سالدارىنان بولعان ۇزاق ۇزىلىستەن كەيىنگى ءبىرىنشى ساپار ەكەنىن اتاپ وتتىك. ءبىز وتە ماڭىزدى كەلىسىمدەرگە قول جەتكىزدىك. ەكى ەلدىڭ ۇكىمەتتەرى مەن ءتيىستى ايماق باسشىلارىنا ەڭ جوعارى دەڭگەيدە قول جەتكىزگەن ۋاعدالاستىقتاردى تابىستى جۇزەگە اسىرۋ مىندەتى جۇكتەلدى، – دەدى پرەزيدەنت. ما سينجۋي قوناقجايلىق كورسەتكەنى ءۇشىن قاسىم-جومارت توقايەۆقا العىس ايتىپ، قحر ءتوراعاسى سي ءسزينپيننىڭ سالەمىن جەتكىزدى.
– مەنىڭ ساپارىمنىڭ نەگىزگى ماقساتى – قحر ءتوراعاسى سي سزينپين مەن ءسىزدىڭ اراڭىزداعى ماڭىزدى ستراتەگيالىق كەلىسىمدەردى جۇزەگە اسىرۋ. ءبىز قىتايدىڭ ءبىر ولكەسى رەتىندە ەلىمىزدىڭ باتىسىنداعى مەملەكەتتەرمەن قارىم-قاتىناستاردى نىعايتۋعا جاۋاپتىمىز. قازاقستان – ءبىز ءۇشىن ءوزارا ىنتىماقتاستىقتىڭ باسىم باعىتى. جالپى، جۇڭگو مەن قازاقستاننىڭ ىنتىماقتاستىعى شىڭجاڭ ارقىلى جۇزەگە اسىرىلادى، – دەدى ما سينجۋي.
كەزدەسۋ سوڭىندا پرەزيدەنت شىڭجاڭ باسشىسىنىڭ قازاقستانعا ساپارى ءوڭىرارالىق بايلانىستى تەرەڭدەتىپ، ونىڭ باعىت-باعدارىن ناقتىلاي تۇسۋگە تىڭ سەرپىن بەرەتىنىنە نازار اۋداردى. قاسىم-جومارت توقايەۆ سي ءسزينپيننىڭ قحر ءتوراعاسى بولىپ قايتا سايلانۋىنا بايلانىستى وعان ىزگى تىلەگىن جولداپ، ساتتىلىك تىلەدى.