الماتىدا جالعا العان مۇلىكتى ساتىپ جىبەرگەن ەر ادام انىقتالدى.
الماتى قالاسى، اۋەزوۆ اۋدانىنىڭ پوليسيا قىزمەتكەرلەرى 2 الاياقتىق دەرەگىن اشتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«كۇدىكتى ق ر قك-نىڭ 190-بابى 3-بولىگى بويىنشا قىلمىس جاسادى دەگەن كۇدىكپەن ۇستالدى. ول ءوز كىناسىن مويىندادى. بولجام بويىنشا، ا. ەسىمدى ازامات كەز كەلگەن تەحنيكانى جالعا بەرۋ تۋرالى حابارلاندىرۋلاردى ىزدەگەن. وسىلايشا، كۇدىكتى كليەنتتەردىڭ بىرىمەن Sony PlayStation ويىن پريستاۆكاسىن جالعا الۋعا كەلىسكەن. ونى العاننان كەيىن كۇدىكتى بەلگىسىز باعىتتا جاسىرىنىپ قالدى. تاعى ءبىر جاعدايدا جوعارىدا اتالعان ەر ادام Kia كولىگىن جالعا العان. كولىكتى “جالعا بەرۋ” زارداپ شەككەن تاراپقا 6 ملن تەڭگەگە ءتۇستى»، – دەيدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
جەدەل ىزدەستىرۋ ءىس-شارالارى بارىسىندا 35 جاستاعى ا. ەسىمدى ازامات ۇستالدى. ءقازىر ول ۋاقىتشا ۇستاۋ يزولياتورىنا قاماۋعا الىندى. كۇدىكتىنىڭ قالادا بۇرىن جاسالعان وسىعان ۇقساس قىلمىستارعا قاتىسى بار-جوعى انىقتالىپ جاتىر. ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس، باسقا دا مالىمەتتەر جاريا ەتۋگە جاتپايدى.