الماتى قالاسىنا جۇمىس ساپارىمەن بارعان قاسىم-جومارت توقايەۆ «استانا» الاڭىندا ءوتىپ جاتقان مەرەكەلىك ءىس-شارادا قازاقستان حالقىن ۇلىستىڭ ۇلى كۇنىمەن قۇتتىقتادى.
– بابالارىمىز ەجەلگى زاماننان بەرى ۇلىس كۇنىن جىل باسى رەتىندە اتاپ وتكەن. ءقازىر ءاز ناۋرىز كۇللى حالىققا ورتاق جالپىۇلتتىق مەرەكەگە اينالدى. ونى ۇلتىنا، دىنىنە قاراماستان بارشا جۇرتىمىز ەرەكشە كۇتەدى، بىرگە اتاپ وتەدى. دانا حالقىمىز «جاقسى ءسوز – جارىم ىرىس» دەپ بەكەر ايتپاعان. جاڭا جىلدى جاقسى نيەتپەن، پايدالى ىسپەن باستاۋ – تالايدان قالىپتاسقان ءداستۇر، – دەدى مەملەكەت باسشىسى.