پرەزيدەنت قاسىم-جومارت توقايەۆ پرەمەر-مينيستردىڭ ورىنباسارى – قارجى ءمينيسترى ەرۇلان جاماۋبايەۆتى قابىلدادى
مەملەكەت باسشىسى ۇكىمەتتىڭ قارجى-ەكونوميكالىق سالادا اتقارىپ جاتقان جۇمىستارىنىڭ نەگىزگى باعىتتارى تۋرالى ەسەبىن تىڭدادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەت باسشىسىنىڭ تاپسىرمالارىنا سايكەس، كەدەندىك اكىمشىلەندىرۋ ءىسىن جەتىلدىرۋ بويىنشا قابىلدانىپ جاتقان جەدەل ءارى جۇيەلى شارالار، شەتەلدەگى قارجىنى قايتارۋدى جانە ەلدەن اقشانى جىلىستاتۋعا قارسى ءىس-قيمىلداردىڭ ناقتى تەتىكتەرى پىسىقتالىپ جاتقانى تۋرالى ايتىلدى.
قاسىم-جومارت توقايەۆقا مەملەكەتتىك قارجىنىڭ قازىرگى جاعدايى، جالپى ەلدىڭ الەۋمەتتىك-ەكونوميكالىق دامۋى تۋرالى اقپارات بەرىلدى.
ەرۇلان جاماۋبايەۆ ەكونوميكانى مونوپوليادان ارىلتۋ جانە 2022 جىلعى رەسپۋبليكالىق بيۋدجەتتى ناقتىلاۋ بويىنشا جۇرگىزىلىپ جاتقان جۇمىستار تۋرالى باياندادى.
كەزدەسۋ سوڭىندا مەملەكەت باسشىسى ءبىرقاتار ناقتى تاپسىرما بەردى.