سيمپوزيۋم وتكەن جەكسەنبىدە گارۆارد ۋنيۆەرسيتەتىندە گارۆارد ورتالىق ازيا ستۋدەنتتەرى اسسوسياسياسىنىڭ (CASA Harvard) ۇيىمداستىرۋىمەن ءوتتى.
ۋنيۆەرسيتەتتىڭ باس كامپۋستارىنىڭ ءبىرى بويلستون حولدا وتكەن كەزدەسۋدە اباي شىعارماشىلىعى 3 باعىتتا قازاقستاندىق جانە امەريكاندىق اۋديتورياعا تانىستىرىلدى. ق ر اقش-تاعى ەلشىلىگىنىڭ قولداۋىمەن قازاق مادەنيەتىنىڭ تاريحىنان سىر شەرتەتىن كىتاپتاردىڭ كورمەسى ۇيىمداستىرىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋدىڭ مودەراتورى دج. ۆاشينگتون ۋنيۆەرسيتەتى جانىنان قۇرىلعان AbaiCenter قازاق مادەنيەتى ورتالىعىنىڭ كوورديناتورى، عىلىم دوكتورى ەرتاي سۇلتان كىرىسپەنى اباي ورتالىعىنىڭ جۇمىس باعىتىمەن تانىستىرۋدان باستادى. ورتالىق 2020 جىلى ۇلى ابايدىڭ 175 جىلدىق مەرەيتويى قارساڭىندا قر-نىڭ اقش-تاعى ەلشىلىگىنىڭ قولداۋىمەن دج. ۆاشينگتون ۋنيۆەرسيتەتىندە اشىلعان.
ورتالىق قازاق مادەنيەتى مەن تاريحى، ادەبيەتى سالاسىنداعى سوڭعى جەتىستىكتەر مەن جاڭالىقتاردى، شەتەلدىك زەرتتەۋلەر مەن ساراپتامالاردى اعىلشىن ءتىلدى اۋديتورياعا تانىستىرۋدا كوزدەيدى. «اباي شىعارمالارىنىڭ شەتەلدىك مادەني تۇسىنىكتە قابىلدانۋى» تاقىرىبىنداعى عىلىمي بايانداماسىمەن سيمپوزيۋمنىڭ 1ء-بولىمىن اشقان ەرتاي سۇلتان م.و. اۋەزوۆ اتىنداعى ادەبيەت جانە ونەر ينستيتۋتى عالىمدارىنىڭ وسى تاقىرىپتا جاريالاعان عىلىمي مونوگرافياسىنا، شەتەلدىك عالىمداردىڭ اباي شىعارمالارىن تالداعان ماقالالارىنا سىلتەمە جاسادى.
2-بولىمدە اقش-قا ارنايى شاقىرتۋمەن كەلگەن ت.جۇرگەنيەۆ اتىنداعى ونەر اكادەمياسىنىڭ پروفەسسورى، ونەرتانۋ كانديداتى، تانىمال ءانشى تولقىن زابيروۆا «ابايدىڭ مۋزىكالىق مۇراسى» تاقىرىبىندا بايانداما جاساپ، اباي ءومىرى مەن تانىمال اندەرىنىڭ تاريحى جايىندا مازمۇندى اقپارات بەردى. اباي اندەرىن زەرتتەگەن گ.بيسەنوۆا، ۆ.دەرنوۆا، گ.چۋمبالوۆا سىندى تانىمال عالىمداردىڭ ەڭبەكتەرىنە سىلتەمە جاسادى. بايانداما سوڭىندا ابايدىڭ اۋدارماسىنداعى ا.پۋشكيننىڭ «تاتيانانىڭ حاتى» ءانىن ورىنداپ بەردى. كورەرمەن سۇراۋىمەن، ابايدىڭ «كوزىمنىڭ قاراسى» ءانىن بارلىق سيمپوزيۋمعا قاتىسۋشىلار حور بولىپ ورىندادى.
«ابايدىڭ ينسترۋمەنتالدى مۇراسى» تاقىرىبىمەن 3ء-بولىمنىڭ شىمىلدىعىن اشقان ق ر كۇيشىلەر وداعىنىڭ ءتوراعاسى، كۇيشى اسقار كەنجەعالييەۆ اباي كۇيلەرىنىڭ جانرلىق ەرەكشەلىكتەرى، دومبىرانىڭ قۇرىلىمى، تۇرلەرى، كۇي تاريحى جايىندا تەرەڭ اقپارات بەردى. ءوزى قالىپتاستىرعان حيۋستون كۇيشىلەر مەكتەبىنەن ەرتە كەلگەن شاكىرتتەرىمەن ابايدىڭ «ماي ءتۇنى»، قۇرمانعازىنىڭ «اداي»، «بالبىراۋىن»، دينانىڭ «ناۋىسقى»، ت.ب. كۇيلەرىن ورىنداپ گارۆارد اسپانىن قازاق كۇيىمەن قانىقتىردى. Cءوز سوڭىندا دومبىرانىڭ الەمدىك سيمفونيالاردى ورىنداۋداعى مۇمكىندىكتەرىن ايتا كەلە، Andy Irwin مەن Davi Spillaneء-نىڭ «شوتلاند اۋەنى» شىعارماسىن تىڭدارمان نازارىنا ۇسىندى.
سيمپوزيۋمعا كەلگەن قوناقتار قاتارىندا، گارۆارد ۋنيۆەرسيتەتىنىڭ پروفەسسورى، تانىمال عالىم نۇرلان كەنجەاحمەت، ق ر اقش-تاعى ەلشىلىگىنىڭ وكىلى جانە بوستون، ۆاشينگتون قازاق دياسپورالارىنىڭ وكىلدەرى، گارۆارد، بوستون جانە ماساچۋسەتس ۋنيۆەرسيتەتتەرىنىڭ ستۋدەنتتەرى مەن وقىتۋشىلارى بولدى. ءىس-شارا سوڭىندا ۇلتتىق اۋدارما بيۋروسى جارىققا شىعارعان Cambridge باسىلىمىنداعى اباي شىعارمالارىنىڭ اعىلشىن تىلىندەگى جيناعى بارلىق قاتىسۋشىلارعا تاراتىلدى.