اتلاس توعىز باسىم باعىت بويىنشا جۇزەگە اسىرىلادى.
قازاقستان پرەمەر-مينيسترى ءاليحان سمايىلوۆتىڭ توراعالىعىمەن ءبىلىم بەرۋ جۇيەسىن قايتا فورماتتاۋ جانە ەكونوميكانىڭ قاجەتتىلىكتەرىنە ساي كادرلار دايارلاۋدى قامتاماسىز ەتۋ ماسەلەلەرى جونىندە كەڭەس ءوتتى، دەپ حابارلايدى Almaty-akshamy.kz Primeminister.kz سىلتەمە جاساپ.
مەملەكەت باسشىسىنىڭ تاپسىرماسىن ورىنداۋ ماقساتىندا «قازاقستان رەسپۋبليكاسىنداعى جاڭا كاسىپتەر مەن قۇزىرەتتەر اتلاسى» ازىرلەنىپ، ول 2020 جىلى بەكىتىلدى.
قۇجات 2025 جىلعا دەيىنگى حالىقتىڭ تابىسىن ارتتىرۋ باعدارلاماسىنا ەنگىزىلگەن جانە ەڭبەك نارىعى مەن كاسىبي ستاندارتتاردى بولجاۋعا نەگىز بولىپ تابىلادى.
اتلاس مۇناي جانە گاز، ەنەرگەتيكا، اۋىل شارۋاشىلىعى، اقپاراتتىق تەحنولوگيالار، تۋريزم، كولىك جانە لوگيستيكا، ماشينا جاساۋ، تاۋ-كەن مەتاللۋرگياسى جانە قۇرىلىس سالالارىنان تۇراتىن 9 باسىم باعىت بويىنشا جۇزەگە اسىرىلادى.
قازاقستاندا جويىلىپ بارا جاتقان 129 ماماندىق تىركەلگەن، 95 ماماندىق ترانسفورماسيا پروسەسىندە، 239 جاڭا ماماندىق پايدا بولدى (ونىڭ 37ء-سى مۇناي جانە گاز سالاسىندا، 32ء-سى ەنەرگەتيكادا، 11ء-ى ماشينا جاساۋدا، 40-ى اT سالاسىندا جانە ت. ب.). ق ر ءبىلىم جانە عىلىم ءمينيسترى اسحات ايماعامبەتوۆ كادرلاردى دايارلاۋدى قامتاماسىز ەتۋ جۇيەسىنە مەملەكەتتىك ورگاندار مەن جۇمىس بەرۋشىلەر قاۋىمداستىقتارىنىڭ وكىلدەرى قاتىسىپ جاتقانىن اتاپ ءوتتى.
قازىرگى ەڭبەك نارىعى ءبىلىم بەرۋ مەكەمەلەرىنىڭ، قىزمەتكەرلەر مەن جۇمىس بەرۋشىلەردىڭ جاڭا سالالارعا، كاسىپتەر مەن داعدىلارعا جەدەل بەيىمدەلۋىن تالاپ ەتەدى. 2022 جىلى ق ر جوعارى وقۋ ورىندارى 91 يننوۆاسيالىق باعدارلاما ازىرلەدى، 2025 جىلعا قاراي ونى 200-گە دەيىن جەتكىزۋ جوسپارلانىپ وتىر.
سونىمەن قاتار تەحنيكالىق دايارلاۋ باعىتتارىنا مەملەكەتتىك تاپسىرىستىڭ ۇلەسى 60%-عا دەيىن ۇلعايتىلدى. سونداي-اق بيىل قازاقستاننىڭ 406 ونەركاسىپتىك كاسىپورنى 406 تكبب كوللەدجىن قامقورلىققا العان. 2021 جىلى بار بولعانى 51 وقۋ ورنى قامقورلىققا الىندى. قولداۋ كورسەتەتىن كاسىپورىندار قامقورشىلىق جانە يندۋستريالىق كەڭەستەردىڭ قۇرامىنا كىرەدى، پەداگوگتەردىڭ تاعىلىمدامادان وتۋىنە كومەكتەسەدى، وقۋشىلاردىڭ وندىرىستىك پراكتيكادان وتۋىنە جاعداي جاسايدى جانە تۇلەكتەردى جۇمىسقا ورنالاستىرۋ بويىنشا وزدەرىنە بەلگىلى ءبىر مىندەت الادى. بيىل قازاقستاندا كاسىپورىنداردىڭ وتىنىمدەرى بويىنشا 10 مىڭ ماقساتتى مەملەكەتتىك تاپسىرىس ءبولىندى.
كوللەدجدەردە تەحنيكالىق دايارلاۋ باعىتتارىنا مەملەكەتتىك تاپسىرىس ۇلەسى 40%-دان 70%-عا دەيىن ۇلعايتىلدى.
بۇعان قوسا، كوللەدجدەر جۇمىس بەرۋشىلەرمەن جانە قامقورلىققا الۋشى كاسىپورىندارمەن كەلىسىلگەن ءبىلىم بەرۋ باعدارلامالارىن ازىرلەي باستادى. «كاسىپتەر اتلاسىنىڭ» ازىرلەنۋىنە جانە نارىقتىڭ تەحنيكالىق ماماندارعا قاجەتتىلىگىنىڭ ارتتىرۋىنا قاراماستان، قازاقستاندا كادرلارعا قاجەتتىلىكتى بولجاۋ ءالى دە جەتكىلىكتى دامىماعانى، قازىرگى ءبىلىم بەرۋ باعدارلامالارى ەڭبەك نارىعى تالاپتارىنىڭ وزگەرۋىن جانە قاجەتتىلىك بويىنشا بولجامداردى تولىق كولەمدە كورسەتە المايتىنى اتاپ ءوتىلدى. «كاسىپتەر اتلاسىن» اۋقىمدى تۇردە ەنگىزۋ ءۇشىن وقۋ ورىندارىنىڭ ءبىلىم بەرۋ باعدارلامالارىنا تۇزەتۋ ەنگىزىپ، ءبىلىم بەرۋ مەكەمەلەرىندە جەرگىلىكتى اتقارۋشى ورگانداردىڭ مەملەكەتتىك تاپسىرىسىن ورنالاستىرۋدى تۇزەتۋ ۇسىنىلدى.
وتىرىسقا قاتىسۋشىلاردىڭ باياندامالارىن تىڭداعاننان كەيىن ءاليحان سمايىلوۆ حاتتاماعا ءبىرقاتار ناقتى تاپسىرما ەنگىزۋدى، سونداي-اق ق ر ۇكىمەتى وتىرىسىندا ءبىلىم بەرۋ جۇيەسىن قازىرگى جاعدايعا بەيىمدەپ قايتا قالىپتاستىرۋ ماسەلەلەرىن قاراۋدى تاپسىردى.
