تۇرعىنداردىڭ تىلەگىن ورىنداۋ: ناۋرىزباي اۋدانىندا بۇرىن-سوڭدى بولماعان ارىق جۇيەسى سالىنىپ جاتىر، دەپ حابارلايدى almaty-akshamy.kz
قازىرگى كەزدە الماتى قالاسى ناۋرىزباي اۋدانىنىڭ 5 كوشەسىندە بۇرىن-سوڭدى بولماعان ارىق جەلىسىنىڭ قۇرىلىسى قولعا الىنعان. بۇعان اۋدان تۇرعىندارى ءوتىنىم بەرگەن، سونىمەن قاتار، ۇنەمى سۋ باساتىن اۋماقتارعا مونيتورينگ جۇرگىزىلگەن.
جەلىلەردىڭ جالپى ۇزىندىعى 5 شاقىرىم. بۇل جۇمىسقا ءتورت بريگادا جۇمىلدىرىلدى. قۇرىلىس جۇمىستارى بەرەكە، ەرۋبايەۆ، ارال، نادىروۆ كوشەلەرىندە، سونىمەن بىرگە «Alma سity» تۇك ە4 بولىگىندە جۇرگىزىلىپ جاتىر. ال قۇلىبەكوۆ پەن سابدەنوۆ كوشەلەرىندە ارىقتاردى قايتا جاڭارتىلىپ وتىر. بۇل كوشەلەردەگى جۇمىستار ءقازىردىڭ وزىندە بەلسەندى تۇردە جۇزەگە اسىرىلىپ كەلەدى.
بولاشاقتا ناۋرىزباي اۋدانىنىڭ تاعى 10 كوشەسىندە ارىق جەلىسىنىڭ قۇرىلىسىن وسى جىلدىڭ سوڭىنا دەيىن اياقتاۋ جوسپارعا ەنگەن. بۇل جۇمىستار 2023 جىلعا دەيىن بىتەدى. قۇرىلىستى اياقتاۋ جوسپارلانعان اۋماقتاردىڭ ىشىندە اقانوۆ، بەكەشيەۆ جانە كارەرنايا كوشەسىن اتاۋعا بولادى.
ەستەرىڭىزگە سالا كەتەيىك، 2023 جىلدىڭ 10 قازانىنان باستاپ الماتى اكىمدىگىنىڭ قالادا ءتۇرلى قۇرىلىس-جوندەۋ جۇمىستارىن جۇرگىزۋ كەزىندە نوسەر كارىزىن جابدىقتاۋ قاجەتتىلىگى تۋرالى قاۋلىسى كۇشىنە ەندى. وعان سايكەس كوشە-جول جەلىسىن سالۋ، رەكونسترۋكسيالاۋ، كۇردەلى جانە ورتاشا جوندەۋ جونىندەگى جۇمىستاردى جۇرگىزۋ كەزىندە ينجەنەرلىك كوممۋنيكاسيالاردى سالۋدان، رەكونسترۋكسيالاۋدان جانە جوندەۋدەن كەيىن قالپىنا كەلتىرۋ جۇمىستارى كەزىندە نوسەر كارىزىن جايلاستىرۋ كوزدەلەدى.