رەسپۋبليكا كۇنىن مەرەكەلەۋ اياسىندا دەمالىس كۇنىن اۋىستىرۋدى كوزدەيتىن ۇكىمەت قاۋلىسىنا قول قويىلدى، دەپ حابارلايدى Almaty-akshamy.kz Inform.kz-كە سىلتەمە جاساپ.
ق ر پرەمەر-مينيسترى ءاليحان سمايىلوۆ «2022 جىلى دەمالىس كۇندەرىن اۋىستىرۋ تۋرالى» ق ر ۇكىمەتىنىڭ 2021 جىلعى 6 قازانداعى №713 قاۋلىسىنا تولىقتىرۋ ەنگىزۋ تۋرالى» ۇكىمەتتىڭ 07.10.2022 جىلعى №796 قاۋلىسىنا قول قويدى.
قاۋلىعا سايكەس، دەمالىس كۇنى 2022 جىلعى 22 قازان، سەنبىدەن 2022 جىلعى 24 قازان، دۇيسەنبىگە اۋىستىرىلادى.
بيىل 25 قازاندا ەلىمىزدىڭ ۇلتتىق مەرەكەسى رەتىندە العاش رەت رەسپۋبليكا كۇنى اتالىپ وتەدى. دەمالىس كۇنىن اۋىستىرۋ جۇمىس ىستەيتىن قازاقستاندىقتارعا مەرەكە كەزىندە دەمالىسىن الدىن الا جوسپارلاۋعا مۇمكىندىك بەرەدى.
وسى قاۋلى العاشقى رەسمي جاريالانعان كۇننەن كەيىن قولدانىسقا ەنگىزىلەدى»، - دەلىنگەن primeminister.kz سايتىندا.
بۇعان دەيىن حابارلاعانىمىزداي، سەنات 25 قازان – رەسپۋبليكا كۇنىن ۇلتتىق مەرەكە رەتىندە بەلگىلەيتىن زاڭدى قابىلداندى.
كەيىن ق ر پرەزيدەنتى قاسىم-جومارت توقايەۆ ءتيىستى زاڭعا قول قويدى.
بۇدان ءارى رەسپۋبليكا كۇنىنە بايلانىستى دەمالىس كۇندەرىن اۋىستىرۋ تۋرالى قۇجات جوباسى «اشىق» نقا سايتىندا جاريالاندى.