پروفەسسوردىڭ جاقىندارىنا كوڭىل ايتۋ جەدەلحاتىن جولدادى.
پرەزيدەنت پروفەسسور ناۋم شافەردىڭ تۋىستارى مەن جاقىندارىنا كوڭىل ايتۋ جەدەلحاتىن جولدادى، دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى قاسىم-جومارت توقايەۆ قازاقستان رەسپۋبليكاسىنىڭ ەڭبەك سىڭىرگەن قايراتكەرى، كورنەكتى مۋزىكاتانۋشى، فيلولوگ، پروفەسسور ناۋم گريگوريەۆيچ شافەردىڭ قايتىس بولۋىنا بايلانىستى كوڭىل ايتتى.
«ناۋم گريگوريەۆيچ ۇلكەن ءومىر جولىنان ءوتتى. ارتىنا بىرەگەي ادەبي-مۋزىكالىق مۇرا قالدىردى. شاكىرت تاربيەلەگەن ۇلاعاتتى ۇستاز بولدى. ول بۇكىل سانالى عۇمىرىن مىڭداعان مۋزىكالىق شىعارما مەن كىتاپتى، سونىڭ ىشىندە قازاق حالىق اۋەندەرىنىڭ جازبالارىن جيناۋعا ارنادى. ناۋم گريگوريەۆيچتىڭ جارقىن بەينەسى ءبىزدىڭ جۇرەگىمىزدە ماڭگى ساقتالادى»، - دەپ جازىلعان جەدەلحاتتا.